اوچ شریف (باغی ٹی وی، نامہ نگارحبیب خان) پنجاب حکومت نے محکمہ پولیس میں اعلیٰ سطح پر تبادلوں کا سلسلہ جاری رکھتے ہوئے متعدد ایس ڈی پی اوز کے تبادلے کر دیے ہیں۔ اس ضمن میں تحصیل احمد پور شرقیہ سرکل کے ایس ڈی پی او محمود اکبر کو ضلع مظفرگڑھ کے شہر جتوئی تعینات کیا گیا ہے جبکہ جتوئی میں خدمات سر انجام دینے والے ایس ڈی پی او جاوید اختر کو تحصیل احمد پور شرقیہ سرکل میں نئے ایس ڈی پی او کے طور پر پوسٹنگ دے دی گئی ہے۔
پولیس ذرائع کے مطابق یہ تبادلے محکمہ کی کارکردگی بہتر بنانے اور انتظامی امور میں بہتری لانے کے لیے کیے گئے ہیں۔ نئے ایس ڈی پی اوز جلد ہی اپنے عہدوں کا چارج سنبھالیں گے اور متعلقہ افسران کے مطابق عوام کو بہتر سروس فراہم کرنے کے لیے اقدامات کریں گے۔
