باغی ٹی وی کی رپورٹ کے مطابق آل پاکستان پرائیویٹ سکولز فیڈریشن کی ملک بھر سے200 سے زائدرجسٹرڈ پرائیویٹ سکولزایسوسی ایشنز،مدارس،فنی تعلیمی اداروں واکیڈمیز نے کاشف مرزا کی قیادت میں مشترکہ اعلامیہ جاری کیا ہے
آل پاکستان پرائیویٹ سکولز فیڈریشن نے تعلیمی ادارے14ستمبر تک بند رکھنے کے فیصلے کو مسترد کرکےسکولز و تعلیمی ادارے فوری کھولے جانے کا مطالبہ کیا ہے۔
کاشف مرزا کا کہنا تھا کہ حکومت ونٹر ایریاسکولز3اگست اور سمر ایریا سکولز15 اگست سے کھولے،بصورت دیگر اتحادی تنظیموں کی مشاورت سے خود کھولنے کا اعلان کریں گے۔ ملک بھر میں تعلیمی آئینی حقوق کے جائزمطالبات کیلیے پرامن احتجاج کا اعلان اورلائحہ عمل کیCEC میٹینگ میں حتمی منظوری دی گئی
مدارس کے ملک بھر میں کامیاب تجربہ میں2 ہزار 166 امتحانی مراکز قائم کیے گئے ہیں۔جن میں14 ہزار 809 افراد پر مشتمل نگران عملہ خدمات سرانجام دے رہا ہے،جبکہ امتحانات میں 3 لاکھ15 ہزار 889طلبہ و طالبات مڈل تاعالمیہ یعنی ایم اے تک شرکت کررہے ہیں۔ چیف جسٹس پاکستان،آرمی چیف،وزیر اعظم، وزرااعلی،گورنرز سےاپیل کی کہ SOPs کے تحت دیگر شعبہ جات کی طرح سکولزوتعلیمی ادارے بھی فوری کھولے جائیں۔پرائیویٹ سکولز فیڈریشن نےعالمی معیار کے SOPs تیار اورجاری کر دیے ہیں
کاشف مرزا کا مزید کہنا تھا کہ نجی سکولز،پیف وپیما،دیگرتعلیمی اداروں واکیڈمیزکا معاشی قتل کیا جارہا ہے۔تعلیمی اداروں کی بندش سے 50%تعلیمی ادارے مکمل بنداور10لاکھ لوگ بے روزگار ہوجائینگے۔ 2.5کروڑ پاکستانی بچے پہلے ہی اپنے آئینی حق سے محروم ہیں۔مزید 5کروڑطلباکےتعلیمی نقصان کاازالہ ناممکن ہے۔کل7.5 کروڑ پاکستانی بچوں کوآئینی تعلیمی حق سے محروم کردیاگیا،جن میں50 فیصد سے زائد تعداد لڑکیوں کی ہے۔تعلیم ہر بچے کاآئینی حق اور 25-A ریاست کا آئینی فریضہ ہے امیروں کی اولاد گھر میں ٹیوٹر اورعام انسان کا بچہ تعلیم سے محروم کیوں؟آن لائن تعلیم اورتعلیم گھر ٹی وی اک فلاپ ڈرامہ ہے
کاشف مرزا کا مزید کہنا تھا کہ کرونا سے شدید متاثرممالک میں تعلیمی ادارے کھلےہیں، چین کے صوبےووہان، برازیل، سپین ، انگلینڈ،انڈیا، ایران، بنگلہ دیش، سری لنکا سمیت امریکہ، روس، ڈنمارک،فرانس،سوئٹزرلینڈ، آسٹریا، آسٹریلیا، نیوزی لینڈ، جرمنی ،جاپان، کوریا، سعودی عرب،اسرائیل، ہانگ کانگ وغیرہ شامل ہیں،تو پاکستانی بچےتعلیم سے محروم کیوں؟ سکولز کی ٹائمنگ صبح 7 تا10اور2شفٹ میں سماجی فاصلے کو برقرار رکھ کے کلاسز جاری رکھی جا سکتی ہیں ،ٹیچرز تنخواہیں اور90فیصد اسکولزعمارتیں کے کرائے فکسُ ہیں۔بند سکولز کو بھی اوسط شرح بنیاد پریوٹیلیٹی بلز کی ادائیگی ہے۔وزیراعظم ٹیچرز کیلیے ’’تعلیمی ریلیف پیکیج‘‘کااعلان کریں
کاشف مرزا کا مزید کہنا تھا کہ بورڈ امتحانات منسوخ کرنے کی بجائے امتحانات سماجی فاصلے برقرار رکھ کر کیے جائیں۔بورڈز فیس کی مد میں 45لاکھ طلباسے وصول شدہ25ارب روپے واپس کریں ، حکومت غیرآئینی اقدامات بند کرے ۔فیسوں کے حوالےسے حکومت سندھ اورپنجاب کا فیس میں 20فی صد کمی کا نوٹیفیکیشن وآرڈیننس آئین کےآرٹیکل 18,8،5,4,3, 25 (1) ،37اور38 سےمتصادم،امتیازی وغیر قانونی ہے ، انسانیت کے جذبہ اور ملک بھرکے مستحق طلبا کے لیے کرونا ایجوکیشنل ریلیف فنڈقائم کیا،وزیر اعظم پاکستان و وزراءاعلی کو ملک بھر کے2لاکھ پرائیویٹ سکولزآئسولیشن سینٹرز اور قرنطینہ سنٹرز اور 15 لاکھ ٹیچرز بطوروالیئنٹیرز پیشکش بھی کی گئی
کاشف مرزا کا مزید کہنا تھا کہ خودکشی کرنے والے ٹیچر کی موت اور پنجاب بھر کی تعلیمی بدانتظامی کا ذمےداروزیر تعلیم پنجاب مراد راس سمیت دیگر تعلیم دشمن وزراتعلیم کوفوری بر طرف کیا جائے ،انہوں نے چیف جسٹس پاکستان،آرمی چیف اور وزیراعظم سے داد رسی کی اپیل کی ہے
