اسلام آباد: آئی ایم ایف کے ترجمان کا کہنا ہے کہ فنڈ کے ایگزیکٹو بورڈ کا اجلاس اپریل 2024 کے آخر تک ہونے والا ہے۔
باغی ٹی وی : پاکستان کے لیے آئی ایم ایف کے ایگزیکٹو بورڈ کی جانب سے 1.1 ارب ڈالرز کی اگلی قسط کی منظوری دینے کے درست ٹائم فریم کے بارے میں ابہام کے پھیلاؤ کے ساتھ آئی ایم ایف اور پاکستانی فریق دونوں نے دعویٰ کیا کہ اپریل 2024 کے آخر تک پاکستان کے کیس پر غور کیا جائے گا-
پیر کو آئی ایم ایف کی ویب سائٹ پر جاری کئے گئے ایگزیکٹو بورڈ کلینڈر سے ظاہر ہوتا ہے کہ اسٹینڈ بائی ارینجمنٹ پروگرام (ایس بی اے) کے تحت 1.1 ارب ڈالر کے تحت دوسری قسط کی منظوری اور تیسری قسط کے اجرا کی پاکستان کی درخواست کو ابھی تک شامل نہیں کیا گیا۔
واضح رہے کہ عالمی مالیاتی فنڈ (آئی ایم ایف) کے ایگزیکٹو بورڈ کا 29 اپریل تک کا شیڈول جاری کردیا گیا ہے،آئی ایم ایف بورڈ اجلاس کے ایجنڈے میں فی الحال پاکستان کا اقتصادی جائزہ شامل نہیں۔ پاکستان اورآئی ایم ایف کے درمیان اسٹاف لیول معاہدہ 20 مارچ 2024 کو طے پایا تھا آئی ایم ایف ایگزیکٹوبورڈ کی منظوری سے پاکستان کو 1.1 ارب ڈالر کی آخری قسط ملے گی۔ آخری قسط کی حتمی منظوری کےساتھ ہی 3ارب ڈالر کا اسٹینڈ بائی ارینجمنٹ ختم ہوجائے گا،آئی ایم ایف نے پاکستان کے معاملے پرایگزیکٹو بورڈکا اجلاس اپریل کے آخر میں بلانے کا عندیہ دیا تھا۔
