اوچ شریف باغی ٹی وی ( نامہ نگار حبیب خان ) چوک منیر شہید میں ایک افسوسناک واقعہ پیش آیا جہاں گھریلو جھگڑے کے دوران ایک 27 سالہ نوجوان نے تیز دھار آلے سے خود پر وار کر لیا۔
سید وجاہت علی نامی نوجوان، جو سید برات حسین کا بیٹا ہے، نے اپنے بائیں بازو اور سر پر گہرے زخم لگائے۔ ابتدائی اطلاعات کے مطابق، وجاہت علی کافی عرصے سے ذہنی دباؤ کا شکار تھے اور اس کی ادویات بھی استعمال کر رہے تھے۔
اطلاع ملنے پر ریسکیو ٹیم فوری طور پر جائے وقوعہ پر پہنچی اور زخمی کو ابتدائی طبی امداد فراہم کی۔ بعد ازاں انہیں تحصیل ہیڈکوارٹر ہسپتال احمد پور شرقیہ منتقل کیا گیا۔ ریسکیو ذرائع کے مطابق وجاہت علی کی حالت اب خطرے سے باہر ہے۔
