ائیرپورٹ سکیورٹی فورس نے کراچی ائیرپورٹ پرکارروائی کے دوران سعودی عرب جانے والے مسافرسے ایک کلو سے زائد ہیروئن برآمد کرلی۔
ترجمان اے ایس ایف کے مطابق کراچی کے جناح ٹرمینل ائیرپورٹ تعینات عملے نے کارروائی کے دوران کراچی سے جدہ جانے والی پروازکے ایک مسافرسے ہیروئن برآمد کی۔مسافر امجد علی کے سامان میں منشیات کی موجودگی کی نشاندہی ہوئی،مسافر نے یہ منشیات بڑی مہارت سے اپنے سامان میں سوپ کی پیکنگ میں چھپارکھی تھی۔ترجمان کے مطابق اے ایس ایف کے پیشہ ورانہ مہارت کے حامل عملے نے مسافر کے سامان کی تلاشی پر 1.060کلوگرام ہیروئن برآمد کرکے سمگلنگ کی کوشش ناکام بنائی۔ گرفتارملزم کوابتدائی تفتیش کے بعد مزید قانونی کارروائی کیلئے برآمد شدہ منشیات کیساتھ اے این ایف حکام کے حوالے کردیا گیا۔
اوچ شریف: تاریخی مزارات کی ناقص سیکیورٹی، شہریوں کی فوری اقدامات کی اپیل
پاکستان اور بنگلہ دیش کی افواج کے مابین تربیتی معاہدہ، بھارت کو تشویش
