سعودی تیل کمپنی آرامکو نے گیس اینڈ آئل پاکستان کے 40 فیصد حصص خرید لئے

ریاض: سعودی تیل کمپنی آرامکو نے گیس اینڈ آئل (گو) پاکستان کے 40 فیصد حصص خرید لئے-

باغی ٹی وی : سعودی تیل کی کمپنی نے جمعہ کو ایک بیان میں کہا کہ گو، ایک متنوع ڈاؤن اسٹریم ایندھن، لبریکنٹس اور کنوینیئنس اسٹورز آپریٹر، پاکستان کی سب سے بڑی ریٹیل اور اسٹوریج کمپنیوں میں سے ایک ہے، اس خریداری کا اعلان دسمبر 2023 میں کیا گیا تھا جو سعودی آرامکو کی پاکستان میں پہلی ڈاؤن اسٹریم ریٹیل سرمایہ کاری کی نمائندگی کرتا ہے اور مارکیٹوں میں کمپنی کی بڑھتی ہوئی ریٹیل موجودگی کا اشارہ ہے۔

جبکہ اپنی ویب سائٹ پر گو کا کہنا ہے کہ پاکستان میں اس کی 1100 سے زائد ریٹیل دکانیں ہیں جو پیٹرول، ڈیزل اور لبریکنٹس فراہم کرتی ہیں۔

پاک چین دوستی وقت کی کسوٹی پر کھڑی رہی ہے،چین

آرامکو کے ایگزیکٹو نائب صدر برائے پروڈکٹس اینڈ کسٹمرز یاسر مفتی نے کہا کہ “ہماری عالمی ریٹیل توسیع میں تیزی آ رہی ہے اور یہ حصول ہمارے سفر میں ایک اہم اگلا قدم ہے گو کے ساتھ اپنی اسٹریٹجک شراکت داری کے ذریعے ہم آرامکو کی اعلیٰ معیار کی مصنوعات اور خدمات پاکستان میں قابل قدر صارفین کو فراہم کرنے کے منتظر ہیں۔

یاسر مفتی نے کہا، ہم آرامکو کے عالمی شراکت داروں کے بڑھتے ہوئے نیٹ ورک میں ایک اور اعلی صلاحیت کے اضافے کا خیرمقدم کرتے ہیں، اور نئے مواقع کو کھولنے اور بیرون ملک آرامکو برانڈ کو مزید فروغ دینے کے لئے اپنے وسائل اور مہارت کو یکجا کرنا چاہتے ہیں۔

پنجاب میں سبزیوں کی قیمتوں میں اضافے کی خبریں بے بنیاد ہیں،عظمیٰ بخاری

واضح رہے کہ گزشتہ ماہ مسابقتی کمیشن آف پاکستان (سی سی پی) نے آرامکو کی جانب سے گو میں 40 فیصد حصص کے حصول کی منظوری دی تھی مارچ میں آرامکو نے چلی میں متنوع ایندھن اور لبریکنٹس خوردہ فروش ایس میکس ڈسٹریبیون ایس پی اے میں 100 فیصد حصص حاصل کیے تھے۔

یاد رہے کہ گزشتہ سال دسمبر میں آرامکو نے گو پاکستان میں 40 فیصد حصص کے حصول کے لیے حتمی معاہدوں پر دستخط کیے تھے، اس وقت اقتصاد ی ماہرین نے اس پیشرفت کو زرمبادلہ کی کمی سے دوچار پاکستان کے لیے مثبت قرار دیا تھا، ایف ڈی آئی کی آمد کو راغب کرنا ملک کے لئے ایک اہم چیلنج رہا ہے ، جس نے مالی سال 24 کے جولائی تا اپریل میں 1.46 بلین ڈالر حاصل کیے جو گزشتہ مالی سال (مالی سال 23) کے اسی عرصے میں 1.35 بلین ڈالر کے مقابلے میں 11 ملین ڈالر کا اضافہ ظاہر کرتا ہے۔

جو کچھ اپ لوڈ ہوتا ہے، بانی پی ٹی آئی کی مرضی سے ہوتا ہے،زین …