باغی ٹی وی کی رپورٹ کے مطابق شاہ رخ خان کے بیٹے آریان خان سے منشیات کی برآمدگی کا معاملہ بھارتی سپریم کورٹ پہنچ گیا ہے
شیو سینا کے رہنما کشور تیواری نے سپریم کورٹ میں درخواست پیش کرتے ہوئے آریا خان اور دیگر ملزمان کے بنیادی حقوق کا حوالہ پیش کیا ۔شیو سینا لیڈر کشور تیواری نے بھارتی سپریم کورٹ کے چیف جسٹس این وی رمنا سے از خود نوٹس لینے کا مطالبہ کیا اور کہا کہ اس معاملہ میں گرفتار آریان خان کے بنیادی حقوق کی حفاظت کی جانی چاہیے منشیات کے معاملہ میں نارکوٹکس کنٹرول بیورو (این سی بی) کے کردار کی بھی تفتیش ہونی چاہئے۔ درخواست میں اس کیس کی عدالت کے ذریعے تحقیقات کرانے کا مطالبہ بھی کیا گیا ہے درخواست میں مزید کہا گیا کہ آریان خان نارکوٹکس کنٹرول بیورو کے ایک افسر کے انتقام کا شکار ہے،آریان خان 8 اکتوبر سے ممبئی کی آرتھر اسٹریٹ جیل میں ہے۔درخواست میں کہا گیا کہ یہ دیکھنا بہت تکلیف دہ ہے کہ کوئی شخص جیل کے اندر کئی دن تک ثبوتوں کے ضبط کے بغیر رہتا ہے۔
مہاراشٹر بی جے پی کے ترجمان رام قدم نے درخواست پر رد عمل ظاہر کرتے ہوئے سوال کیا کہ مہاراشٹر کے حکام اس کی حمایت کیوں کر رہے ہیں جسے وہ "ڈرگ مافیا” کے نام سے جانتا ہے۔ہم آریان خان یا کسی خاص شخص کی مخالفت میں نہیں ہیں۔ ہم شاہ رخ خان کے فن کا احترام کرتے ہیں۔ تاہم جس طرح سے مہاراشٹر کے حکام ڈرگ مافیا کی مدد کر رہے ہیں اور این سی بی پر توجہ دے رہے ہیں ، ہمیں پوچھنے کی ضرورت ہے -کیا ریاستی حکام کک بیکس لے رہے ہیں؟شیوسینا اور ریاستی حکام کو سپریم کورٹ روم میں بھاگنے سے پہلے جواب دینا ہوگا۔
دوسری جانب آریان خان کو سیکیورٹی وجوہات کی بنا پر خصوصی بیرک میں منتقل کردیا گیا ہے جہاں انہیں اپنے والدین شاہ رخ خان اور گوری خان سے بھی ملاقات نہیں کرنے دی جارہی میڈیا رپورٹس کے مطابق 14 اکتوبر کو انہیں جیل کے قرنطینہ سیل سے نکال کر عام وارڈ میں منتقل کردیا گیا تھا، تا ہم اب اطلاعات ہیں کہ انہیں سیکیورٹی خدشات پر خصوصی بیرک میں منتقل کردیا گیا ہے۔
آریان خان فی الحال آرتھر روڈ جیل میں قید ہیں۔ ان کے وکلا نے ممبئی کی سیشن عدالت میں درخواست ضمانت پیش کی ہے ، جس پر سماعت ہو چکی ہے۔ عدالت اپنا فیصلہ 20 اکتوبر کو سنائے گی، آریان خان کے علاوہ من من دھیچا، ارباز مرچنٹ، نوپر ساریکا، اسمیت سنگھ، موہک جایسوال، وکرانت چھوکر اور گومت چوپڑہ کو گرفتار کیا گیا تھا۔ ان کے خلاف این ڈی پی ایس قانون کے تحت مقدمہ درج کیا گیا تھا ۔آریان خان پر الزام ہے کہ وہ ڈرگس کا استعمال کرتے ہیں اور منشیات فروخت کرنے والے گروہ کا حصہ ہیں
آریان خان منشیات کیس: شاہ رخ خان کو ملی خوشخبری
شترو گھن سنہا آریان خان کی حمایت میں بول پڑے
منشیات کیس میں آریان کی گرفتاری:متعدد شوبز شخصیات کے بچوں کا بھارت چھوڑنے کا فیصلہ
منشیات کیس میں گرفتار آریان کو جیل میں مشکلات کا سامنا، شاہ رخ بھی صحت کے مسائل سے…
شا ہ رخ کے بیٹے کی گرفتاری کے پیچھے اصل حقیقت کیا ہے؟ مبشر لقمان کے تہلکہ خیز…
آپ جانتے ہیں شاہ رخ کے بیٹے اور امیتابھ کی نواسی کے درمیان مضبوط رشتہ ہے؟
آریان خان مخصوص سنٹر سے جیل کی عام بیرک میں منتقل
