اسلام آباد: مسجد الحرام کے امام خطیب ڈاکٹر صالح بن عبداللہ حمید نے صدر مملکت ڈاکٹر عارف علوی سے ایوان صدر میں ملاقات کی-
باغی ٹی وی: ایوان صدر کے پریس ونگ کے مطابق دوران ملاقات پاکستان میں سعودی عرب کے سفیر نواف بن سعید احمد المالکی بھی ملاقات میں شریک تھے،ملاقات میں غزہ کی صورتحال، اسلامو فوبیا اور عالم اسلام کو درپیش دیگر چیلنجز پر تبادلہ خیال کیا گیا، صدر مملکت نے امام خطیب کا خیرمقدم کرتے ہوئے کہا کہ پاکستان اور سعودی عرب کے درمیان بہترین برادرانہ تعلقات ہیں جو مشترکہ عقیدے، تاریخ اور عوامی روابط پر مبنی ہیں۔
اس موقع پر ڈاکٹر صالح بن عبداللہ حمید نے کہا کہ مسلم دنیا نے مسئلہ فلسطین پر متفقہ موقف اپنایا ہے کہ دو ریاستی حل کی بنیاد پر فلسطینیوں کو ان کے جائز حقوق دیئے جائیں، فلسطین میں جاری تشدد اور مظالم کے خاتمے کے لیے مسلم دنیا کی مشترکہ کوششوں اور انسانی ہمدردی اور سفارتی مدد کی ضرورت ہے۔
یو اے ای میں عیدوں کی سرکاری تعطیلات کا اعلان
صدر مملکت نے اہم مسائل پر سعودی عرب کے کردار کو سراہا، انہوں نے مسلم اقوام کو درپیش مشترکہ چیلنجوں سے نمٹنے کے لیے ان کے درمیان اتحاد اور یکجہتی کی ضرورت پر زور دیا، صدر مملکت نے سعودی عرب ایران تعلقات کی بحالی کے لیے سعودی عرب کی قیادت کی تعریف کی اور اسے ایک اہم پیشرفت قرار دیا اور کہا کہ اس سے تجارت اور ترقی کو فروغ دینے کے علاوہ خطے میں امن و سلامتی کو فروغ ملے گا۔
امریکا کی سکھ رہنما کی قتل کی سازش پر تشویش کا اظہار ،شفاف …
صدر مملکت نے یمن، شام اور سوڈان میں امن و استحکام کے لیے سعودی اقدامات کو بھی سراہا، صدر مملکت نے مشکل وقت میں پاکستان کی معاشی مدد کے ساتھ ساتھ انسانی امداد اور خاص طور پر پاکستان میں تعلیم اور صحت کے شعبوں میں ترقیاتی منصوبوں میں تعاون پر سعودی عرب کا شکریہ ادا کیا۔
قومی اور صوبائی اسمبلی کی نشست کے امیدواروں نے پی ٹی آئی کو خیر باد …
صدر عارف علوی نے خاص طور پر بھارت میں اسلامو فوبیا اور مقبوضہ جموں و کشمیر کے عوام پر بھارتی مظالم کو بھی اجاگر کیا انہوں نے کہا کہ بھارت مقبوضہ جموں و کشمیر کا آبادیاتی تناسب بدل رہا ہے اور مسلمانوں کی نسلی کشی میں ملوث ہے، اس موقع پر ڈاکٹر صالح بن عبداللہ حمید نے حکومت ِپاکستان کی طرف سے پرتپاک استقبال اور مہمان نوازی پر شکریہ ادا کیا۔
