راولپنڈی: آرمی چیف سے امریکا اعلی سطحی وفد نے ملاقات کی-
باغی ٹی وی : پاک فوج کے شعبہ تعلقات عامہ (آئی ایس پی آر) سے جاری بیان کے مطابق چیف آف آرمی اسٹاف جنرل عاصم منیر سے جنرل ہیڈکوارٹرز (جی ایچ کیو) میں امریکا کے جنوبی اور وسطی ایشیائی امور کے بیورو کے سینئر عہدیدار ایرک میئر کی سربراہی میں اعلیٰ امریکی وفد نے ملاقات کی۔
آئی ایس پی آر کے مطابق وفد نے اپنی قسم کی پہلی کانفرنس کو سراہا،وفد نے باہمی مفید شراکت داروں کے ذریعہ پاکستان کے معدنی وسائل کی ترقی کی پالیسی کی تعریف کی ہے۔
مسائل کو حل کرنے کیلئے تمام سیاسی جماعتوں کو تعاون کرنا ہوگا ،رانا ثنااللہ
آئی ایس پی آر کے مطابق امریکی وفد کے سربراہ ایرک مئیر نے امریکی انتظامیہ کی ترجیحات پر بات کرتے ہوئے کہا کہ پاکستان کے ساتھ معدنی ترقی میں اشتراک باہمی مفاد کا بنیادی پہلو ہے اور انہوں نے پاکستان میں سرمایہ کاری کے شعبے میں بتدریج بہتری پر بھی دلچسپی کا اظہار کیا۔
ریلوے کیلئےسیٹ کئے گئے ٹارگٹ پورے ہو رہے ہیں،حنیف عباسی
آئی ایس پی آر کے مطابق ملاقات سے دونوں فریقین کو عالمی سطح پر ہونے والی پیش رفت اور پاکستان کی علاقائی سیکیورٹی کے اہداف پر ایک دوسرے کا مؤقف جاننے کا موقع ملا دونوں فریقین نے باہمی تعلقات کی مثبت پیش رفت پر اظہار اطمینان کیا اور مزید پہلو شا مل کرنے اور تعلقات کو جامع انداز میں مضبوط بنانے کے لیے جی ٹو جی اور پی ٹو پی تعاون میں توسیع کی ضرورت پر اتفاق کیا۔
سونے کی فی تولہ قیمت میں 3 ہزار روپے کا اضافہ
