بھارتی پنجاب واقعہ: فوجی اہلکار کا اپنے 4 ساتھیوں کے قتل کا اعتراف

بھارتی پنجاب کے علاقے بھٹنڈا کے ملٹری اسٹیشن پر ایک فوجی اہلکار نے چار فوجیوں کے قتل کا اعتراف کیا ہے-

باغی ٹی وی : بھارتی میڈیا کے مطابق 12 اپریل کو بھٹنڈا کے ملٹری اسٹیشن پر فائرنگ سے 4 فوجی ہلاک ہوگئے تھے جس کے بعد ایک فوجی اہلکار کو واقعے میں ملوث ہونے کے شبے میں گرفتار کیا گیا تھا۔

بھارتی پنجاب میں فوجی اڈے میں فائرنگ سے 4 اہلکار ہلاک

پولیس کا کہنا ہےکہ واقعے کے بعد گرفتار کیے جانے والے اہلکار دیسائی موہن نے چاروں فوجیوں کے قتل کا اعتراف کرلیا ہے اور اس کی وجہ ذاتی دشمنی بتائی ہے چاروں فوجیوں کو 12 اپریل کو ان کے ملٹری اسٹیشن میں سوتے ہوئے قتل کیا گیا تھا۔

بھارتی میڈیا کے مطابق بھارتی فوجی حکام کی جانب سے جاری بیان میں کہا گیا ہےکہ ایک فوجی جوان نے پولیس کی تفتیش کے دوران 12 اپریل کو اپنے چار ساتھیوں کو قتل کرنے کا اعتراف کیا ہے جس کی وجہ اس نے ذاتی عناد بتائی ہے۔

بالاکوٹ میں بھارتی فضائیہ کا ہیلی کاپٹر مار گرانے کا واقعہ،گروپ کیپٹن کی کورٹ مارشل …

بھارتی میڈیا کے مطابق ملزم نے اپنے اعترافی بیان میں کہا کہ 9 اپریل کو اس نےاسلحہ چوری کیا جسے اس نے چھپا دیا جب کہ 12 اپریل کو اس نے اپنے خفیہ مقام سے ڈیوٹی کے دوران اسلحہ نکالا او جا کر سوئے ہوئے اپنے چاروں ساتھیوں کوقتل کردیا۔