میرپور خاص باغی ٹی وی( نامہ نگار سید شاہزیب شاہ کی رپورٹ) آج میرپورخاص کے معروف سوشل ورکر سعید ملک کی رہائشگاہ پر سندھ سے تعلق رکھنے والے سینئر سیاستدان میر بابو تالپر اور میئر میرپورخاص عبدالرؤف غوری کی آمد ہوئی، مہمانان گرامی کی آمد کے موقع پر سعید ملک انکے فرزند عبداللہ اور تمام اہلخانہ نے معزز مہمانوں کا استقبال کیا اور معزز مہمانوں کو سندھ کی ثقافت اجرک کا تحفہ پیش کیا
اس موقع پر نیشنل پریس کلب کے صدر سینئر صحافی قمرالدین شیخاور باغی ٹی وی نامہ نگار سید شاہزیب شاہ میرپورخاص کے صحافی حیات قریشی کے علاوہ قاضی امام الدین بھی موجود تھے ،سعید ملک اور اہلخانہ کی جانب سے تمام مہمانوں کے لئے پر تکلف ظہرانے کا اہتمام کیا گیا تھا،
اسکے بعد سعید ملک ان کے فرزند عبداللہ اور تمام اہلخانہ نے معزز مہمانوں کا شکریہ ادا کیا ، آخر میں میر بابو تالپور میئر میرپورخاص عبدالرؤف غوری اور دیگر لوگوں کے درمیان پاکستان سندھ خاص طور پہ میرپورخاص کی سیاسی صورتحال پہ تبادلہ خیال ہوا ۔
