کینیا میں پولیس کی فائرنگ سے جاں بحق ہونے والے سینیئر صحافی اور اینکر ارشد شریف کا پاکستان میں بھی پوسٹ مارٹم کروایا جائے گا-

سینئر صحافی ارشد شریف کا پوسٹ مارٹم پمز اسپتال میں نہیں کیا جائے گا۔پمز حکام کے مطابق ارشد شریف کے پوسٹ مارٹم کے لیے پمز اسپتال کا سرد خانہ فعال نہیں اورسرد خانے میں مرمت کا کام جاری ہے۔پمز حکام نے بتایا کہ ارشد شریف کا پوسٹ مارٹم اب ہولی فیملی اسپتال راولپنڈی یا قائداعظم اسپتال میں کیا جائے گا جہاں پمز اسپتال کے ڈاکٹروں کی تین رکن ٹیم ارشد شریف کا پوسٹ مارٹم کرے گی۔

ارشد شریف کی میت کو لے کر آنے والا طیارہ اسلام آباد ائیرپورٹ پر لینڈ کر گیا

ارشد شریف کا دوبارہ پوسٹمارٹم ہوگا

— Javeria Siddique (@javerias) October 25, 2022

ارشد شریف کی والدہ نے مطالبہ کیا ہے کہ اسپتال میں پوسٹ مارٹم کے دوران سینیئر سرجن بھی موجود ہوں سینیئر صحافی و اینکر ارشد شریف کی میت کینیا سے پاکستان پہنچا کر اسلام آباد کے نجی اسپتال کے سرد خانے منتقل کردی گئی ہے۔

ارشد شریف کاقتل پوری صحافی برادری کاقتل ہے

ارشد شریف کی میت غیر ملکی ائیر لائن کے ذریعے رات 1 بجے اسلام آباد ائیر پورٹ پر پہنچائی گئی تھی جہاں اہلخانہ سمیت رہنما پی ٹی آئی مراد سعید اور فواد چوہدری سمیت صحافیوں کی بڑ ی تعداد بھی اس موقع پر موجود تھی-

فیملی ذرائع کے مطابق ارشد شریف کی نماز جنازہ جمعرات کو دن 2 بجے شاہ فیصل مسجد میں ادا کی جائے گی جبکہ تدفین ایچ الیون کے قبرستان میں کی جائے گی۔

واضح رہے کہ ارشد شریف کو کینیا کے شہر نیروبی میں مگاڈی ہائی وے پر شناخت میں مبینہ غلطی پر پولیس نے سر پر گولی مار کر ہلاک کردیا تھا-

اسلامو فوبیا مسلمانوں کے لیے بدستور سنگین نتائج کا باعث بن رہا ہے۔ چیئرمین سینیٹ