عرشی خان اپنا سب سے بڑا خواب پورا ہونے پر سلمان خان اور بگ باس کی مشکور

بھارت کے مقبول ترین رئیلیٹی شو بگ باس سیزن 14 میں چیلنجرز کی حیثیت سے قدم رکھنے والی کھلاڑی عرشی خان کا ممبئی میں اپنا ذاتی گھر خریدنے کا سب سے بڑا خواب پورا ہو گیا۔

باغی ٹی وی : بھارتی میڈیا رپورٹس کے مطابق عرشی خان نے حال ہی میں ممبئی میں اپنا گھر خریدا ہےجس کے لیے وہ بالی وڈ اداکار سلمان خان کی مشکور ہیں۔

اس ضمن میں اداکارہ عرشی خان کا کہنا تھا کہ میرا شروع سے ہی خواب تھا کہ میرا اپنا خود کا گھر ہو اور مجھے یقین نہیں آرہا ہے کہ میرا یہ خواب پورا ہو گیا۔

انہوں نے بتایا کہ چند روز قبل میں کرائے کے گھر میں رہائش پزیر تھی لیکن اب میرا خود کا گھر ہے اور اس احساس سے مجھے خود پر فخر ہو رہا ہے میں خدا کا بہت شکر ادا کرتی ہوں جو ہمیشہ میرا ساتھ دیتا ہے اس کے بعد میں اپنے والدین کا شکریہ ادا کروں گی جنہوں نے مجھ پر بھروسہ کیا۔

علاوہ ازیں عرشی خان نے کہا کہ میں بگ باس اور اداکار سلمان خان کا خاص طور پر شکریہ ادا کرنا چاہوں گی۔

خیال رہے کہ اداکارہ عرشی خان بہت جلد بالی وڈ کی دنیا میں قدم رکھنے کو تیار ہیں اور ان کی آنے والی فلم خواتین کو با اختیار بنانے کے حوالے سے ہے اس حوالے سے عرشی خان کا کہنا تھا کہ میں اس پروجیکٹ کے لیے بے حد خوش ہوں میں جس ہدایت کار کے ساتھ کام کر رہی ہوں انہوں نے ہی مجھے اس کردار کے لیے منتخب کیا ہے اور لوگ مجھے بالکل مختلف روپ میں دیکھیں گے۔

بگ باس سیزن 14 کی چیلنجرز کھلاڑی عرشی خان کی بالی وڈ میں انٹری