اسلام آباد: بانی پاکستان تحریک انصاف (پی ٹی آئی) عمران خان نے کہاہے کہ برطانوی اخبار میں لکھا آرٹیکل انہوں نے اپنے وکلا کو زبانی ڈکٹیٹ کیا تھا –
باغی ٹی وی : اڈیالہ جیل میں سماعت کے دوران صحافیوں نے سوال کیا کہ نگران وزیر اطلاعات مرتضیٰ سولنگی کا کہنا ہے کہ آرٹیکل آرٹی فیشل انٹیلی جنس کی مدد سے لکھا گیا،جس پر بانی پی ٹی آئی نے کہا کہ انہوں نے آرٹیکل اپنے وکلا کو زبانی ڈکٹیٹ کیا تھا اور انہیں ہدایت کی تھی کہ باقی چیزیں وی لاگز سے لے لی جائیں۔
انہوں نے کہا کہ میں آخری بال تک لڑوں گا، نوازشریف کو جانتا ہوں وہ دو امپائرز کے بغیر نہیں کھیلتاوہ لندن پلان کے تحت گارنٹی لے کر پاکستان آیا ہے، نوازشریف ایک تصدیق شدہ منی لانڈرر ہے۔
خیبرپختونخوا میں سکیورٹی فورسز کی 2 مختلف کارروائیوں میں 4 دہشت گرد ہلاک
واضح رہے کہ پی ٹی آئی کے ترجمان نےکہا تھا کہ برطانوی اخبار دی اکانومسٹ میں شائع آرٹیکل بانی پی ٹی آئی عمران خان نے خود لکھا ہے بانی پی ٹی آئی کے دی اکانومسٹ میں چھپے آرٹیکل پر چلنے والی خبریں حقائق کے برعکس ہیں، دی اکانومسٹ میں چھپے آرٹیکل پر حقائق کو درست انداز میں پیش نہیں کیا جا رہا، دی اکانومسٹ میں چھپا آرٹیکل بانی پی ٹی آئی نے تحریر کیا ہے،بانی پی ٹی آئی کا دی اکانومسٹ میں چھپا آرٹیکل آرٹیفیشل انٹیلیجنس کے ذریعے نہیں لکھا گیا۔
16 جنوری سے پیٹرولیم منصوعات کی قیمتوں میں کمی کا امکان
