وزارت مذہبی امور نے عشرہ رحمت اللعالمین ﷺآج سے پورے مذہبی عقیدت و احترام سے منانے کا اعلان کیا ہے۔
وفاقی وزیر مذہبی امور سردار محمد یوسف نے کہا کہ،یہ عشرہ ملک بھر میں بھرپور دینی جوش و جذبے سے منایا جائے گا، قومی اسمبلی اور سینیٹ سے پاس قرار دادوں کی روشنی میں ملک بھر میں سیرت النبیؐ کی محافل کا انعقاد ہو گا، وزارت مذہبی امور نے 1447 ہجری کو 1500 ویں ولادت و با سعادت کے طور پر منانے کا اعلان کیا ہے،اس سلسلے میں ملک بھر میں تقریبات یکم تا 12 ربیع الاوّل قومی و صوبائی سطح پر جاری رہیں گی۔
انہوں نے پریس کانفرنس میں کہا کہ اس کا سب سے اہم حصہ پچاسویں سیرت النبیﷺ کانفرنس کا انعقاد ہوگا، اس کانفرنس میں اہم سیاسی و سرکاری و بین الاقوامی شخصیات شریک ہوں گی، چاروں صوبوں بشمول گلگت بلتستان و کشمیر کو بھی سیرت النبیﷺ کانفرنسز کے انعقاد کی ہدایات کی گئی ہیں، 11 ویں ربیع الاول کی شب خصوصی محفل نعت کا انعقاد کیا جائے گا، وزارت مذہبی امور کے ساتھ مل کر چاروں صوبوں بشمول کشمیر و گلگت بلتستان میں تقاریب منعقد کی جائیں گی، ان تقاریب سے امن، محبت اور رواداری کا پیغام دیا جائے گا۔
ٹانک اور شمالی وزیرستان میں پولیو کے 2 نئے کیسز رپورٹ،رواں سال مجموعی کیسز23 ہوگئے
پاکستان اسٹاک ایکسچینج :100 انڈیکس میں386 پوائنٹس کا اضافہ ریکارڈ
بھارت نے دریائے ستلج میں پانی چھوڑ دیا ، مزید دیہات زیر آب
