دختران ملت کی سربراہ آپا جی آسیہ اندرابی کی طبیعت شدید خراب ہوگئی

دختران ملت کی سربراہ آپا جی آسیہ اندرابی کی طبیعت اچانک شدید خراب ہوگئی

باغی ٹی وی رپورٹ کے مطابق مقبوضہ کشمیر میں‌ دختران ملت کی سربراہ آپا جی آسیہ اندرابی صاحبہ کی طبیعت اچانک شدید خراب ہوگئی ہے جس کے بعد انہیں ہاسپٹل منتقل کردیا گیا ہے جہاں انہیں وینٹی لیٹر پہ ڈال دیا گیا،
آپ بھائیوں سے درخواست سے آپا جی کو اپنی خصوصی دعاؤں میں یاد رکھیں
یہ لوگ امت مسلمہ کا حقیقی سرمایہ افتخار ہیں، آپا جی کے شوہر عرصہ 25 سال سے انڈیا کی جیل میں قید ہے سلام ہے امت کی اس عظیم ماں کو بچے بھی پال رہی ہے شوہر کا غم اپنی جگہ مگر نظریہ سے ایک قدم پیچھے ہٹنے کو تیار نہیں
اللہ تعالی آپا جی کو سلامتی والی زندگی نصیب فرمائے، ان کو دکھوں کو جلد سے جلد ختم کردے ،کشمیریوں کا آزادی کا خواب میرا رب جلد پایہ تکمیل تک پہنچا دے۔کشمیریوں کی تیسری نسل جہاد میں قربانیاں دینے کے لئے میدان عمل میں اتر آئی ہے۔

آسیہ اندرابی کشمیر کے پاکستان کے ساتھ الحاق کی حامی ہیں۔ زندگی کا کافی حصہ وہ بھارتی جیلوں میں گزار چکی ہیں۔ آسیہ اندرابی کشمیری خواتین کی تنظیم دختران ملت کی بانی ہیں۔ساوتھ ایشین وائر کے مطابق دختران ملت کشمیر کی بھارت سے علیحدگی کے لیے کام کرنے والی آل پارٹیز حریت کانفرنس کا حصہ ہے، جس کا بنیادی مقصد کشمیر کی بھارت سے علیحدگی ہے۔ آسیہ اندرابی کشمیر علیحدگی پسند خواتین میں سب سے اہم ہیں۔ ان کے حامی انہیں آئرن لیڈی کہتے ہیں۔آسیہ کے شوہر ڈاکٹر قاسم فکتو کو بھی جیل میں قید ہوئے 28 برس ہو گئے ہیں۔

واضح رہے کہ دختران ملت کی چیئرپرسن سیدہ آسیہ اندرابی 2017 سے دہلی میں قید ہیں، انہیں مودی سرکار نے پاکستان کا پرچم اٹھانے اور پاکستان زندہ باز کے نعرے لگانے کے جرم میں غداری کا مقدمہ درج کر کے گرفتار کیا ہوا ہے،25 مارچ 2015 کو آسیہ اندرابی نے کشمیر میں پاکستان کا قومی ترانہ گاتے ہوئے پاکستانی پرچم لہرایا۔ بعد ازاں اسی سال پاکستان کے یوم آزادی پر دختران ملت کی چیئرپرسن نے ایک تقریب میں پاکستانی پرچم لہرایا، 12 ستمبر 2015 کو حریت پسند رہنما سیدہ آسیہ اندرابی نے ایک گائے ذبح کر کے اس کی ویڈیو جاری کرتے ہوئے جموں و کشمیر میں گائے کا گوشت فروخت کرنے کی پابندی پر احتجاج کیا تھا،سیدہ آسیہ اندرابی کے شوہر ڈاکٹر قاسم فکتو بھی عمر قید کی سزا کاٹ رہے ہیں.