اسلام آباد:صدر آصف زرداری نے انجری کے شکار قومی کرکٹ ٹیم کے اوپنر بیٹر صائم ایوب سے جنوبی افریقا میں ٹیلیفون پر بات کی۔
باغی ٹی وی: صدر زرداری نے صائم ایوب کو لگنے والی چوٹ کے بارے میں دریافت کیا اور ان کی جلد صحت یابی کی دعا کی، صدرِ مملکت نے صائم ایوب کی شاندار بیٹنگ پرفارمنس کو بھی سراہا ، صائم ایوب نے فون کرنے پر صدر زرداری کا خصوصی شکریہ ادا کیا اور صحتیاب ہو کر شاندار پرفارمنس جاری رکھنے کے عزم کا اظہار کیا صدرِ مملکت آصف زرداری نے پاکستانی کرکٹ ٹیم کے لیے نیک تمناؤں کا اظہار بھی کیا۔
خواجہ معین الدین چشتی اجمیریؒ کا عرس ،بھارت نے 400 پاکستانی زائرین کے ویزے روک لیے
واضح رہے کہ پاکستان کے اوپنر صائم ایوب دائیں ٹخنے میں فریکچر کے سبب 6 ہفتے تک کرکٹ سے باہر ہو گئے ہیں، صائم ایوب ٹیم کے ساتھ ہی رہیں گے اور ٹیسٹ ختم ہونے کے بعد ٹیم کے ساتھ وطن واپس آئیں گے۔
