چیف آف آرمی اسٹاف فیلڈ مارشل سید عاصم منیرنے آج کمانڈ اینڈ اسٹاف کالج کوئٹہ کا دورہ کیا جہاں انہوں نے اسٹوڈنٹ افسران اور فیکلٹی سے خطاب کیا۔اس موقع پر کوئٹہ پہنچنے پر آرمی چیف کا استقبال کور کمانڈر کوئٹہ اور کمانڈنٹ کمانڈ اینڈ اسٹاف کالج نے کیا۔
باغی ٹی وی کے مطابق آرمی چیف نے آپریشن "بنیان مرصوص” کے شہداء کو خراجِ عقیدت پیش کرتے ہوئے ان کے اہلِ خانہ سے مکمل یکجہتی کا اظہار کیا۔ انہوں نے کہا کہ قومی قیادت کے تحت پاکستانی عوام مادرِ وطن کے دفاع کے لیے فولادی دیوار بن گئے۔ انہوں نے مسلح افواج کی پیشہ ورانہ صلاحیتوں کی تعریف کرتے ہوئے کہا کہ "معرکۂ حق” میں کامیابی ہماری قومی عزم، اتحاد، اور قومی طاقت کے تمام عناصر کی ہم آہنگی کا منہ بولتا ثبوت ہے۔
علاقائی اور عالمی صورتحال پر بات کرتے ہوئے، فیلڈ مارشل عاصم منیر نے بھارت کی جانب سے بلااشتعال جارحیت کے بڑھتے ہوئے رجحان پر تشویش ظاہر کی۔ انہوں نے کہا کہ پاکستان کسی بھی جارحیت کا مؤثر جواب دینے کی مکمل صلاحیت رکھتا ہے اور دشمن کی ہر چال کو ناکام بنایا جائے گا۔
انہوں نے جنوبی ایشیا میں اسٹریٹیجک استحکام کے لیے مسئلہ کشمیر کے پرامن حل کی ضرورت پر زور دیا اور بھارت کی جانب سے آبی دہشت گردی کو غیرقانونی اور ناقابل قبول قرار دیا۔آرمی چیف نے پاکستان کے اندر دہشتگردی کی کارروائیوں میں بھارتی ریاستی کردار کو بے نقاب کرتے ہوئے کہا کہ انسداد دہشتگردی مہم کو منطقی انجام تک پہنچایا جائے گا۔ انہوں نے اس بات پر اعتماد ظاہر کیا کہ قوم دہشتگردی کی تمام اقسام کے خلاف کامیابی حاصل کرے گی۔
قیادت پر بات کرتے ہوئے انہوں نے طلباء افسران کو اپنے فرائض جذبے، عزم اور دیانتداری سے ادا کرنے کی نصیحت کی۔ انہوں نے تخلیقی سوچ اور تحقیق کی اہمیت پر زور دیتے ہوئے کمانڈ اینڈ اسٹاف کالج کوئٹہ کو مستقبل کے عسکری رہنما تیار کرنے پر سراہا۔ ان کا کہنا تھا کہ ہماری تربیت موجودہ حالات کی عکاسی کے ساتھ ساتھ مستقبل کے میدانِ جنگ کے لیے بھی ہمیں تیار کرے — جو چُستی، جدت اور ناقابل شکست عزم کا تقاضا کرتا ہے۔”
بلوچستان کے شہر سوراب پر بی ایل اے کا حملہ، سیکیورٹی فورسز کا کامیاب جوابی آپریشن
دفاع اور وفا کرنے والوں کی کردار کشی بدترین جرم ہے۔ ملی ادبی پنچائیت
بلوچستان میں تخریب کاری نہیں، دہشت گردی ہے: پاکستان کا بی ایل اے کے خلاف دوٹوک مؤقف
غزہ کی پوری آبادی قحط کے خطرے میں مبتلا ہے، اقوام متحدہ
لیہ: مریم نواز کا لیپ ٹاپ و اسکالرشپ اسکیم کا آغاز، طلبہ کا پرتپاک استقبال
