وزیر اعلیٰ پنجاب مریم نواز نے پولیس اہلکار کی جانب سے چند روز قبل بیٹے کے چالان کا قصہ سنا دیا۔
لاہور میں تقریب سے خطاب کرتے ہوئے وزیراعلیٰ پنجاب مریم نواز کا کہنا تھا ڈالا کلچر اور اسلحہ کی نمائش مجھے بالکل پسند نہیں، گھر آتے وقت میرے بیٹے جنید کے ساتھ سکیورٹی کی گاڑیاں تھیں، پولیس نے گاڑیوں کو روکا تو پیچھے گاڑی میں جنید بیٹھے ہوئے تھے،جنید کو دیکھ کر پولیس اہلکار نے معذرت کی کہ ہمیں نہیں پتا تھا، اہلکار نے کہا کہ نہیں پتا تھا کہ گاڑی میں وزیراعلیٰ کا بیٹا بیٹھا ہوا ہے، پولیس اہلکار نے جنید کو کہا کہ ہم آپ سے معافی مانگتے ہیں کہ آپ کو روکا،فخر ہے کہ جنید نے پولیس اہلکار کو کہا کہ آپ نے اپنی ڈیوٹی سرانجام دی، میرے بیٹے نے اپنی سکیورٹی کی گاڑی کا چالان کرنے والے کو شاباش دی، جنید نے اہلکار سے کہا کہ آپ نے روکا تو اپنی ڈیوٹی نبھائی، چالان کریں،مجھے واقعے کا پتہ چلا تو میں نے بھی اس اہلکار کو فون کر کے شاباش دی، وزیراعلیٰ کا بیٹا ہو یا کوئی اور، کوئی قانون سے بالاتر نہیں، آج ملزمان قسم اٹھا کر کانوں کو ہاتھ لگا کر جرائم سے تائب ہو رہے ہیں،طاقت میرے ہاتھ میں ہے، یہ اللّٰہ کی وہ امانت ہے جو وہ ریاست کے سپرد کرتا ہے،کرپشن کا پیسہ آتا تو بہت تیزی کے ساتھ ہے لیکن جب لگتا ہے تو یہ بیماریوں پر لگتا ہے یا نقصانات پر لگتا ہے۔
وزیراعلیٰ پنجاب مریم نواز کا مزید کہنا تھا کہ قیمتوں پر کنٹرول کرنے کیلئے ادارے کا قیام عمل میں لایاگیا ہے،
