حافظ آباد (خبرنگار شمائلہ): اسسٹنٹ کمشنر پنڈی بھٹیاں اشفاق احمد نے عید کے پہلے روز ٹی ایچ کیو ہسپتال کا دورہ کیا۔ انہوں نے ہسپتال کے مختلف شعبہ جات میں زیر علاج مریضوں کی عیادت کی، انہیں عید کی مبارکباد دی اور وزیراعلیٰ پنجاب مریم نواز کی جانب سے مریضوں میں مٹھائی تقسیم کی۔
اس موقع پر اسسٹنٹ کمشنر اشفاق احمد نے تمام ڈاکٹروں، پیرا میڈیکل اسٹاف، نرسوں اور ہسپتال کے دیگر عملے کو بھی عید کی مبارکباد پیش کی اور ان کی پیشہ ورانہ خدمات کو سراہا۔
Shares:
