پشاور: خیبرپختونخوا حکومت کے مشیر اطلاعات بیرسٹر ڈاکٹر محمد علی سیف نے میڈیا کے ذریعے اسٹیبلشمنٹ سے مذاکرات کی خبروں کی تردید کر دی-
باغی ٹی وی : بیرسٹر ڈاکٹر محمد علی سیف نے کہا کہ بانی چیئرمین نے اسٹیبلشمنٹ سے مذاکرات کے بارے میں کسی کو کوئی نیا ٹاسک نہیں دیا انہوں نے میڈیا سے درخواست کی کہ وہ بغیر تصدیق کے ذرائع سے خبریں نشر کرنے سے گریز کرے عمران خان سے ملاقات میں حکومتی معاملات، دہشت گردی اور افغانستان کےامور پر تبادلہ خیال کیا گیا بانی چیئرمین نےوزیراعلیٰ کوحکومتی معاملات کے حوالے سے ہدایات دیں، جبکہ انہیں دہشت گردی اور افغانستان کے مسائل پر بات کر نے کی ہدایات دی گئیں۔
بیرسٹر سیف کہا کہ بانی چیئرمین نے واضح طور پر کہا کہ وہ اپنی ذاتی رہائی یا فائدے کے لیے اسٹیبلشمنٹ سمیت کسی سے بات چیت نہیں کریں گے، بانی چیئرمین نے ملک کی معاشی ترقی اور سیاسی استحکام کو اپنی اولین ترجیح قرار دیا اور کہا کہ معاشی ترقی سیاسی استحکام کے بغیر ممکن نہیں ہے پی ٹی آئی کو دیوار سے لگانے کی کوششیں بند کرنی ہوں گی کیونکہ پی ٹی آئی ایک حقیقت ہے اور اسے تسلیم کرنا ضروری ہے۔
ملک میں افراط زر کی شرح 59 سال کی کم ترین سطح پر آگئی،ادارہ شماریات
بھارتی سپریم کورٹ کا تمام ججز کے اثاثے پبلک کرنے کا فیصلہ
وزیراعلیٰ پنجاب نہر کیلئے 4 ہزار کیوسک سے اوپر پانی کہاں سے کاٹ کر دیں گی؟