خیبرپختونخوا کے ضلع کرم کے علاقے سنٹرل کرم میں چنارک پولیس چیک پوسٹ پر دہشت گردوں نے حملہ کر دیا، جس کے نتیجے میں 2 پولیس اہلکار شہید ہوگئے، جبکہ پولیس کی بروقت جوابی کارروائی میں 4 دہشت گرد ہلاک اور 6 زخمی ہوگئے۔
ذرائع کے مطابق حملہ اچانک کیا گیا، جس کے دوران دونوں جانب سے شدید فائرنگ کا تبادلہ ہوا۔ فائرنگ کے نتیجے میں کرم پولیس کے دو اہلکار موقع پر شہید ہوئے۔پولیس کی فوری اور مؤثر کارروائی نے دہشت گردوں کے عزائم ناکام بنا دیے، جس میں 4 دہشت گرد مارے گئے اور 6 زخمی حالت میں فرار یا گرفتار کیے جانے کی اطلاعات ہیں۔ واقعے کے بعد علاقے میں سرچ آپریشن شروع کر دیا گیا ہے اور مزید معلومات اکٹھی کی جا رہی ہیں۔
دہشت گردوں کو جہنم واصل کرنے پر وزیر داخلہ کا خراجِ عقیدت
وزیر داخلہ محسن نقوی نے دہشت گردوں کو جہنم واصل کرنے پر پولیس کی پیشہ ورانہ صلاحیتوں کو سراہا اور کہا کہ بہادر اہلکاروں نے بروقت کارروائی کرکے فتنۂ الخوارج کے ناپاک عزائم کو ناکام بنایا۔انہوں نے جامِ شہادت نوش کرنے والے دونوں پولیس اہلکاروں کو خراجِ عقیدت پیش کیا، لواحقین سے تعزیت کی اور کہا کہ شہدا کی قربانی کو سلام ہے۔محسن نقوی نے مزید کہا کہ پولیس اہلکاروں کی بہادری قابلِ فخر ہے
سری لنکا سیلاب متاثرین کی مدد، پاک بحریہ کی امدادی سرگرمیاں جاری
پیٹرولیم مصنوعات سستی، نوٹیفکیشن جاری ہو گیا
کیلیفورنیا میں سالگرہ کی تقریب پر فائرنگ، 4 افراد ہلاک
انڈونیشیا اور تھائی لینڈ سیلاب، 600 سے زائد ہلاکتیں، سیکڑوں لاپتہ
