ممتاز حیدر
بھارتی فضائیہ میں ایک سنسنی خیز واقعے نے ادارے کے اندرونی ماحول کو ہلا کر رکھ دیا ہے، جب رافیل اسکواڈرن "گولڈن ایرو” کے چار پائلٹس نے مبینہ طور پر فضائیہ کے سربراہ، ایئر چیف مارشل امر پریت سنگھ پر حملہ کر دیا۔ واقعہ فضائیہ کے ہیڈکوارٹرز میں "آپریشن سندور” کی بریفنگ کے دوران پیش آیا۔
ذرائع کے مطابق، حملہ اس وقت ہوا جب ڈی بریفنگ کے دوران ایک شدید بحث نے جھگڑے کی صورت اختیار کر لی۔ پائلٹس نے ایئر چیف پر یہ الزام عائد کیا کہ انہوں نے جان بوجھ کر سکھ ہونے کی بنیاد پر ان کی آپریشنل صلاحیتوں کو محدود رکھا اور انہیں مکمل اختیارات سے محروم رکھا۔ذرائع کا کہنا ہے کہ حملے میں ایئر چیف کو معمولی چوٹیں آئیں واقعے کے فوراً بعد ان کی سیکیورٹی میں فوری اضافہ کر دیا گیا ہے، حکام نے چار اسکوارڈن لیڈر کو حراست میں لیا ہے جن میں اسکواڈرن لیڈر شیواس ڈکشت،ونگ کمانڈر اجے سنگھ راجپوت،فلائنگ آفیسر راکیش کمار سنگھ،اسکواڈرن لیڈر نتن تُلسی رام شامل ہیں،چاروں افسران کو بھارتی فضائیہ کی پولیس نے حراست میں لے کر ابتدائی تفتیش شروع کر دی ہے۔ بھارتی فضائیہ کی جانب سے تاحال اس واقعے پر کوئی باضابطہ بیان جاری نہیں کیا گیا،
فوجی ماہرین کے مطابق، اگر یہ الزامات درست ثابت ہوتے ہیں تو یہ بھارتی فضائیہ کی تاریخ کا ایک غیر معمولی اور سنگین واقعہ ہو گا، جو نہ صرف ادارے کے نظم و ضبط پر سوال اٹھاتا ہے بلکہ سینیئر قیادت کی ساکھ کو بھی متاثر کر سکتا ہے۔یہ بھی بتایا جا رہا ہے کہ "آپریشن سندور” کے حوالے سے اندرونی اختلافات اور عدم اطمینان بھارتی فضائی میں موجود ہے
