باغی ٹی وی،گوجرخان ( نامہ نگار / شیخ ساجد قیوم)تحریک لبیک کے سربراہ امیرالمجاہدین سعدحسین رضوی کی گوجرخان میں سابق صدر بار ایسوسی ایشن راجہ ظہور منظور ایڈوکیٹ کی بھانجی کے نکاح کی تقریب میں شرکت کیلئے انتہائی خاموشی کیساتھ آمد ٹی ایل پی پنجاب کے صدر سید عنایت الحق شاہ سلطانپوری اور امیر آزاد کشمیر علامہ عبدالغفور تابانی کے ہمراہ تحریک کے سربراہ کی اِس اچانک آمداورڈیڑھ گھنٹہ سے بھی زائد دورانیہ تک گوجر خان میں موجودگی بارے نہ صرف ٹی ایل پی کی مقامی تنظیم بلکہ اس VIPموومنٹ بارے مقامی انتظامیہ،پنجاب اور ہائی ویز پولیس کوبھی کانوں کان خبرنہ ہوئی،علامہ سعدرضوی نے گوجرخان شہر کی مضافاتی آبادی پروج روڈحیلیاں میں راجہ ظہورمنظورایڈووکیٹ کی رہائشگاہ پرراجہ منظورکی بھانجی اورکوٹلی آزادکشمیر سے آئے ہوئے دُلہاصدام انقلابی ایڈووکیٹ کا نکاح پڑھایااور خطبہ نکاح دیا،امیرِ تحریک نے نماز مغرب کی امامت کرانے کے علاوہ نکاح کے موقع پر کھانے کی ضیافت میں بھی شرکت کی،اُنکی آمد پر دلہن کے والدشرافت افضل،ماموں راجہ شہزادافتخار،راجہ ظہورمنظور ایڈووکیٹ، راجہ عامرعباس اورراجہ وقاص وکی،دُلہا کے والد چوہدری محمدنذیر سمیت دلہاودلہن کے عزیزان واقربین نے پھولوں کی پیتاں نچھاورکیں اورہار و مالایئں پہنا تے ہوئے شایان شان استقبال کیا
Leave a reply
