اٹک (باغی ٹی وی رپورٹ)اٹک میں بلال فارمیسی کی نئی برانچ فوارہ چوک پر کھولی گئی، جس کی افتتاحی تقریب میں مرکزی جامع مسجد کے خطیب مفتی مسعود صاحب نے خصوصی دعائیہ کلمات ادا کیے۔ انہوں نے اپنے خطاب میں کہا کہ رزق حلال عین عبادت ہے اور سچا و ایماندار تاجر دنیا و آخرت میں کامیاب ہوتا ہے۔ مفتی مسعود نے مزید کہا کہ اگر تاجر یہ نیت کرے کہ وہ رزق حلال کمائے گا اور اس کے ذریعے اللہ کی مخلوق کی خدمت کرے گا، تو یہ ایک دینی عمل بن جاتا ہے۔
اس موقع پر کیمسٹ اینڈ ڈرگسٹ ایسوسی ایشن کے ضلعی صدر شیخ محمد عدنان صدیقی، شیخ بابر صدیقی، شیخ محمد بلال صدیقی اور دیگر بھی موجود تھے۔ شیخ محمد عدنان صدیقی نے کہا کہ بلال فارمیسی کی نئی برانچ عوام کے اعتماد پر پوری اترے گی اور یہاں ادویات، سرجیکل آئٹمز اور معیاری کاسمیٹکس کی مکمل ورائٹی دستیاب ہوگی۔
افتتاحی تقریب میں اٹک کے عوامی و سماجی حلقوں اور کیمسٹ ایسوسی ایشن کے ضلعی رہنماؤں نے صدیقی برادران کو بلال فارمیسی کی نئی برانچ کے قیام پر مبارکباد پیش کی۔
