آڈیو کا لیک کیا جانا میرے خلاف سازش ہے، قیادت کی عزت کے تحفظ کیلئے جان دے سکتی ہوں ، عظمیٰ کاردار
باغی ٹی وی کی رپورٹ کے مطابق تحریک انصاف کی رکن اسمبلی عظمیٰ کاردار آڈیو لیک ہونے کے بعد میدان میں آ گئیں
عظمیٰ کاردار نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ آڈیو کا لیک کیا جانا میرے خلاف سازش ہے، قیادت کی عزت کے تحفظ کیلئے جان دے سکتی ہوں ،
عظمیٰ کاردار نے زلفی بخاری کی ٹویٹ کا جواب دیتے ہوئے کہا کہ محترم زلفی بخاری – میں فرسٹ لیڈی کی بہت زیادہ عزت و احترام کرتی ہوں اور اپنی جان قربان کرنا قیادت کے لئے میرے لئے اعزاز ہو گا۔
Dear Zulfi-I have the highest regard&respect for r FirstLady and would give my life2protect the honour of r leader-always have always will-am deeply sorry but what happened-was a premeditated engineered conspiracy2defame not only me but party leadership too-will request inquiry
— Uzma Kardar (@UzmaKardar) June 16, 2020
عظمیٰ کاردار کا مزید کہنا تھا کہ آڈیو لیک کے حوالہ سے انکوائری ہونی چاہئے اس ضمن میں نہ صرف میں بلکہ پارٹی قیادت بھی انکوائری کی درخواست کرے، جو ہوا اسکے لئے میں معذرت خواہ ہوں
زلفی بخاری کا کہنا تھا کہ عظمی کاردار سے توقع بھی نہیں کی جا سکتی کہ انہیں خاتون اول کے معیار کی سمجھ ہو، خاتون اول سے متعلق پیٹھ پیچھے ایسی گفتگو کرنا انتہائی شرمناک ہے، وزیراعظم اور خاتون اول کی عزت ہم سب کےلئے ترجیح ہے، پی ٹی آئی سے وابستگی کا دعویٰ کرنے والے شخص کے لیے یہ شرم کا مقام ہے
