کراچی: پاکستان کی معروف اداکارہ صائمہ قریشی کا کہنا ہے کہ شوہر کو دوسری شادی کے لیے پہلی بیوی سے اجازت لینے کی ضرورت نہیں ہے۔
باغی ٹی وی : اداکارہ صائمہ قریشی نےیوٹیوب کے ایک چینل کے پوڈکاسٹ میں شرکت کی، جسکا ایک مختصر ویڈیو کلپ سو شل میڈیا پر وائرل ہو رہا ہے، جو صارفین کی جانب سے شدید تنقید کا باعث بن رہا ہے۔
وائرل ویڈیو میں اداکارہ نے کہا کہ برکت تو صرف مرد کی کمائی میں ہی ہوتی ہے، اس بات کو تو تسلیم کریں، عورت کی کمائی میں برکت نہیں ہوتی، جب عورت گھر سنبھالنا شروع کرتی ہے تو اس کی فطرت ہے کہ وہ جتاتی ہےکسی بھی مرد کو دوسرا نکاح کرنے سے قبل پہلی بیوی سے اجازت لینے کی ضرورت نہیں ہے، اسی لیے دوسرے نکاح کا حکم دیا گیا تاکہ ایکسٹرا میریٹل افیئر ختم ہو جائیں گے، قرآن میں بھی ایسا کچھ نہیں لکھا کہ نکاح سے قبل پہلی اہلیہ سے اجازت لینا لازمی ہے۔
بچوں کے حقوق اور معذور افراد کے تحفظ کے حوالے سے بلز آئندہ اجلاس تک موخر
اداکارہ نے کہا کہ اس ذہنیت کو تبدیل کرنے کی ضرورت ہے، جو غلط ہے اسے غلط کہنا چاہیے اور جو صحیح ہے وہ صحیح ہے، پھر چاہے معاشرہ اسے غلط سمجھے، نکاح ایک حرام رشتے سے بہتر ہے، مرد کو مرد کی طرح پیش آنا چاہیے نکاح کرے اور اسے سب کے سامنے قبول بھی کرے، پہلی بیوی وقتی طور پر غصہ کرے گی لیکن وقت کے ساتھ ساتھ یہ سمجھ جائے گی کہ اس چیز کی اجازت ہمارا دین دیتا ہے اور نکاح ایکسٹرا میریٹل افیئر سے بہتر ہے۔
پہلی اہلیہ کا سید نور کی دوسری شادی پر کیا ردعمل تھا؟
اداکارہ صائمہ قریشی کے بیان کی کلپ سوشل میڈیا پر اپلوڈ ہوتے ہی صارفین کی جانب سے شدید تنقید کا نشانہ بن گئی،ویڈیو کے کمنٹ سیکشن میں جہاں ایک جانب کچھ صارفین اداکارہ کی حمایت کرتے نظر آئے وہیں دوسری جانب کچھ صارفین کی جانب سے اداکارہ کے بیان کی مخالفت بھی کی گئی۔
مفتی قوی سے شادی،پاکستانی زمیندار کی راکھی ساونت کو کروڑوں روپے اور زیورات کی پیشکش
