میلبرن: بھارتی اے کرکٹ ٹیم پر آسٹریلیا اے کے خلاف میچ میں بال ٹیمپرنگ کا الزام عائد کر دیا گیا۔
باغی ٹی وی : آسٹریلوی میڈیا کے مطابق بھارت اور آسٹریلیا اے کی ٹیموں کے درمیان میچ کے آخری روز گیند تبدیل کی گئی، آخری روز آسٹریلیا اے کو جیت کے لیے 86 رنز درکار تھے، بال ٹیمپرنگ کے الزام پر گیند تبدیل کی گئی۔
بھارتی کھلاڑی امپائر شان کریگ کے گرد جمع ہو کر گیند تبدیل کرنے پر سوال کرنے لگے اور امپائر سے بہت بحث کی جبکہ امپائر شان کریگ کو اسٹمپ مائیک سے یہ کہتے ہوئے سنا گیا کہ جب آپ گیند کھرچو گے تو ہم گیند تبدیل کریں گے، اب اور بحث نہیں ہو گی، کھیل کا آغاز کریں، اس پر بات نہیں ہو گی، اگر آپ نے کھیلنا ہے تو جو گیند آپ کے ہاتھ میں دی گئی ہے اس سے کھیلنا ہے، گیند تبدیل کرنے کے معاملے پر بھارتی کھلاڑی نے امپائر سے تلخ جملے بولے۔
آسٹریلیا کے خلاف پہلے ون ڈے میچ کیلئے پلئینگ الیون کا اعلان
بھارتی وکٹ کیپر ایشن کیشن نے کہا کہ یہ ایک احماقانہ فیصلہ ہے،امپائر نے ایشن کیشن کو جواب دیتے ہوئے کہا کہ ایکسکیوز می، آپ کے رویے پر آپ کو رپورٹ کیا جائے، آپ کا رویہ غیر مناسب ہے، آپ کی ٹیم کے عمل کی وجہ سے گیند تبدیل کی گئی۔
واضح رہے کہ اس میچ میں آسٹریلیا اے نے بھارت اے کو 7 وکٹوں سے ہرایا۔
