لارڈز میں جاری آئی سی سی ورلڈ ٹیسٹ چیمپئن شپ 2023-25 کے فائنل میں آسٹریلیا نے جنوبی افریقہ پر 218 رنز کی واضح برتری حاصل کرلی ہے۔ دوسری اننگز میں کینگروز نے 8 وکٹوں کے نقصان پر 144 رنز بنالیے۔
جنوبی افریقی ٹیم پہلی اننگز میں آسٹریلیا کے 212 رنز کے جواب میں صرف 138 رنز پر ڈھیر ہو گئی۔ پیٹ کمنز نے تباہ کن بولنگ کرتے ہوئے 6 وکٹیں حاصل کیں، جب کہ مچل اسٹارک نے 2 اور جوش ہیزل ووڈ نے ایک وکٹ حاصل کی۔آسٹریلیا کی دوسری اننگز میں بھی بیٹرز زیادہ دیر کریز پر نہ رک سکے۔ الیکس کیری 43 رنز بنا کر نمایاں رہے، لبوشین نے 22 اور مچل اسٹارک 16 رنز کے ساتھ ناٹ آؤٹ ہیں۔ عثمان خواجہ 6، کیمرون گرین صفر، اسٹیون اسمتھ 13، ٹریوس ہیڈ 9، بیو ویبسٹر 9 اور پیٹ کمنز 6 رنز بنا کر پویلین لوٹ چکے ہیں۔
جنوبی افریقہ کی طرف سے دوسری اننگز میں کگیسو ربادا اور لنگی نگیڈی نے 3،3 وکٹیں حاصل کیں جب کہ ویان ملڈر اور مارکو جانسن کے حصے میں ایک ایک وکٹ آئی۔پہلی اننگز میں آسٹریلیا کی جانب سے بیو ویبسٹر نے 72 اور اسٹیون اسمتھ نے 66 رنز کی شاندار اننگز کھیلی تھی۔ جنوبی افریقہ کی جانب سے ربادا نے 5، جانسن نے 3، جب کہ مہاراج اور مارکرم نے ایک ایک وکٹ حاصل کی تھی۔
جنوبی افریقی اننگز میں ٹمبا باؤما 36 رنز بنا کر نمایاں رہے جبکہ بیڈنگھم نے 27 رنز بنائے۔ آسٹریلین بولرز نے شاندار کارکردگی کا مظاہرہ کرتے ہوئے پروٹیز کو دباؤ میں رکھا۔فائنل کے تیسرے روز آسٹریلیا کی برتری میں مزید اضافے اور جنوبی افریقہ کی ممکنہ مشکلات میں اضافے کا امکان ہے۔
وزیراعظم کی یو اے ای کے صدر سے ملاقات، دوطرفہ تعلقات اور خطے میں امن پر تبادلہ خیال
قاہرہ میں غزہ مارچ سے قبل 200 سے زائد فلسطین حامی کارکن گرفتار
بھارت نے پاک سرحد کے جنوبی حصے میں فضائی مشق کیلئے ایک روزہ فضائی حدود مخصوص کر دی
احمد آباد طیارہ حادثہ: ہلاک افراد کے اہل خانہ کیلئے ایک کروڑ روپے فی کس معاوضے کا اعلان