آسٹریلیا میں پولیس مقابلہ، 2 پولیس اہلکاروں سمیت 6 افراد ہلاک اور 2 زخمی

سڈنی: آسٹریلوی ریاست کوئنزلینڈ کےعلاقے وائمبیلا میں پولیس مقابلے میں 6 افراد ہلاک اور 2 زخمی ہوگئے۔

باغی ٹی وی : غیر ملکی میڈیا کے مطابق پولیس کو ایک پراپرٹی میں لاپتہ شخص کی موجودگی کی اطلاع ملی جس پر 4 پولیس افسر وہاں پہنچے تو وہاں موجود مسلح افراد نے ان پر فائرنگ کردی۔

فائرنگ سے خاتون سمیت 2 نوجوان پولیس اہلکار موقع پر ہی ہلاک اور 2 زخمی ہوگئے۔ فائرنگ کی زد میں آکر 58 سالہ پڑوسی بھی دم توڑ گیا۔

165 سال پرانی جینز ڈھائی کروڑ روپے میں نیلام

واقعے کی اطلاع ملتے ہی پولیس کی بھاری نفری جائے وقوعہ پہنچ گئی اور گھر کا محاصرہ کرلیا پولیس اور مسلح ملزمان میں کئی گھنٹے تک شدید جھڑپ ہوئی جس میں ایک حملہ آور خاتون سمیت تینوں مسلح ملزمان ہلاک ہوگئے۔

ہلاک پولیس افسران کی شناخت 26 سالہ میتھیو آرنلڈ اور 29 سالہ رشل مک کرو کے نام سے ہوئی جبکہ 58 سالہ پڑوسی ایلن ڈائر بھی ہلاک شدگان میں شامل ہے۔

ہلاک ہونے والے حملہ آوروں میں لاپتہ شخص سابق اسکول پرنسپل 46 سالہ ناتھانیل ٹرین، اس کا بھائی 47 سالہ گارتھ ٹرین اور 45 سالہ بھابھی اسٹیسی گارتھ ٹرین شامل ہیں۔

برطانیہ میں شدید برفباری سے مواصلات کا نظام بری طرح متاثر ،ڈیڑھ سو پروازیں منسوخ

آسٹریلوی وزیراعظم انتھونی البانیز نے اسے انتہائی دل شکن واقعہ قرار دیتے ہوئے تحقیقات کا حکم دیا۔

کوئنز لینڈ کی پولیس کمشنر کیٹرینا کیرول نے کہا کہ اس ابتدائی تصادم میں، ایک تیسرے افسر کو گولی لگ گئی جبکہ چوتھا فرار ہو گیا۔ انہوں نے کہا کہ یہ ایک معجزہ تھا کہ دو افسران بچ گئے اور ایک خطرے کی گھنٹی بجانے میں کامیاب رہا۔

کیرول نے جائے وقوعہ کا دورہ کرنے کے بعد کہا کہ میرے خیال میں، افسران کو موقع نہیں ملا، اور مجھے نہیں معلوم کہ دو کیسے زندہ نکلے۔‘‘ انہوں نے کہا کہ اہلکاروں کو گھر کے سامنے ایک بے نقاب علاقے میں گولی مار دی گئی۔