لاہور سے کراچی آنے والی عوام ایکسپریس کی بوگی پٹری سے اتر گئی
![](https://baaghitv.com/wp-content/uploads/2024/08/WhatsApp-Image-2024-08-22-at-11.27.56-PM-1.jpeg)
لاہور (باغی ٹی وی): لاہور سے کراچی جانے والی عوام ایکسپریس ٹرین کی ایک بوگی لاہور ریلوے اسٹیشن پر پٹری سے اتر گئی ہے۔
ریلوے حکام کے مطابق یہ حادثہ اسٹیشن کے پلیٹ فارم نمبر 5 پر پیش آیا اور حادثے کی زد میں آنے والی بوگی اے سی بزنس کلاس کی تھی۔ حادثے کے فوری بعد ریلوے حکام نے بوگی کو پٹری پر لانے کے لیے امدادی کارروائی شروع کر دی ہے۔
اس حادثے کے باعث ٹرین کی روانگی میں تاخیر ہوئی ہے اور مسافروں کو مشکلات کا سامنا کرنا پڑ رہا ہے۔ ریلوے حکام کا کہنا ہے کہ حادثے کی وجوہات کا تعین کرنے کے لیے تحقیقات کی جا رہی ہیں۔