مختلف علماء کرام اور عام شہریوں نے حکومت سے مطالبہ کیا ہے کہ ذوالحجہ کے ابتدائی ایام میں سحری کے اوقات میں سوئی گیس کی لوڈشیڈنگ پر سے پابندی ختم کی جائے تاکہ لوگ آسانی سے روزے رکھ سکیں۔
معروف عالم دین محمد یوسف صدیقی، محمد محسن مجید، ابوخزیمہ محمد شفیق ، رانا محمد طارق اور دوسرے مختلف شعبہ ہائے زندگی سے تعلق رکھنے والے افراد نے وزیراعظم پاکستان شہباز شریف، وزیراعلیٰ پنجاب مریم نواز اور سوئی گیس کے اعلیٰ حکام سے مطالبہ کیا ہے کہ وہ خصوصی ہدایات جاری کرتے ہوئے لوگوں کے لیے ذوالحجہ کے روزے رکھنے میں آسانی پیدا کریں۔ ان کا کہنا تھا کہ احادیث میں ذوالحجہ کے پہلے نو ایام میں روزے رکھنے اور دوسرے نیک اعمال کی بہت زیادہ فضیلت بیان کی گئی ہے۔ ان دنوں میں مسلمانوں کی بڑی تعداد روزے رکھنے کا خاص طور پر اہتمام کرتی ہے لیکن ان دنوں سوئی گیس کی لوڈشیڈنگ کی وجہ سے عام دنوں میں نفلی روزے رکھنا بہت مشکل ہو چکا ہے۔ علماء کرام اور عوام کے مختلف طبقوں نے مطالبہ کیا ہے کہ رمضان المبارک کی طرح ذوالحجہ کے ابتدائی نو ایام میں بھی سحری کے وقت گیس کی لوڈشیڈنگ ختم کرنے کے احکامات جاری کیے جائیں۔
چاہت فتح علی خان سے بڑے بڑے سپر اسٹارز خوفزدہ کیوں ؟
مخصوص نشستیں، فیصلہ پی ٹی آئی کے حق میں نظر نہیں آ رہا، مبشر لقمان
مبشر لقمان: ہزاروں چہروں والا اینکر ، دنیا کا پہلا مصنوعی ذہانت سے چلنے والے نیوز اوتار پر ایک نظر
لندن پلان بارے مبشر لقمان کا انکشاف،نواز شریف نے تصدیق کر دی
