عوامی اتحاد گروپ کے زیر اہتمام ورکرز کنونشن

0
22

(عبدالغفار شاکر باغی ٹی وی قصور)
آج عوامی اتحاد گروپ کے زیراہتمام پیراڈائز میرج کمپلیکس دینا ناتھ میں آئندہ بلدیاتی انتخابات کے سلسلے میں ورکرز کنونشن کا انعقاد کیا گیا۔
جس میں محترم جناب سیف اللہ خالد صاحب صدر ملی مسلم لیگ پاکستان ، محترم جناب ابو فدا الرحمن چیئرمین کشمیر کمیٹی ضلع قصور ، محترم جناب محمد آصف جٹ صاحب امیدوار حلقہ 181 پی پی ، میاں مقصود صاحب سرپرست اعلیٰ عوامی اتحاد گروپ این اے 140 ، محترم جناب ابو عبداللہ صاحب چئیرمین کشمیر کمیٹی کے پی کے ، محترم جناب قاری عبد الرؤف ربانی ، محترم جناب راۓ غلام مصطفیٰ کھرل صدر حلقہ پی پی 181 ، محترم جناب حاجی رمضان صاحب سرپرست اعلیٰ کسان اتحاد کے علاوہ مختلف سیاسی و سماجی رہنماؤں نے خطابات کیے ۔
ورکرز کنونشن میں ویلج کونسل اور نیبر ہڈ کے کارکنان اور امیدواروں نے کثیر تعداد میں شرکت کی۔
قائدین نے آئندہ بلدیاتی الیکشن کے حوالے سے حکمت عملی اور لائحہ عمل سے ورکرز کو آگاہ کیا۔
خطابات میں قائدین کا کہنا تھا کہ ہماری سیاست کا محور خدمت انسانیت ہے۔ ہم گلی محلے کی سطح پر خدمت کمیٹیاں قائم کریں گے جو کہ عوامی مسائل کو حل کرنے میں معاون ہوں گی۔ خدمت کمیٹی میں ویلج کونسل اور نیبر ہڈ کی سطح پر کمیٹیاں رفاہ عامہ کے کاموں میں بڑھ چڑھ کر حصہ لیں گی۔ کارکنان سے اپنے خطاب میں قائدین کا کہنا تھا کہ اپنے اپنے علاقوں میں عوامی اتحاد گروپ کے نیٹ ورک کو پھیلائیں تاکہ خدمت انسانیت کے اس مشن کو پایہ تکمیل تک پہنچانے کے لیے آئندہ الیکشن میں کامیابی ہمارا مقدر بنے۔

Leave a reply