عوامی لیگ کی رجسٹریشن معطل کیے جانے کے بعد الیکشن کمیشن نے جماعت کے تاریخی انتخابی نشان ’کشتی‘ کو اپنی ویب سائٹ سے ہٹا دیا ہے، جو کئی دہائیوں سے عوامی لیگ کی سیاسی پہچان رہا ہے۔
لیکشن کمیشن کی ویب سائٹ پر عوامی لیگ کو ’رجسٹرڈ سیاسی جماعتیں (رجسٹریشن معطل)‘ کے تحت چھٹی جماعت کے طور پر درج کیا گیا تھا۔ گزشتہ روز تک جماعت کے نام کے ساتھ ’کشتی‘ کا نشان بھی موجود تھا، تاہم آج صبح اسے ہٹا دیا گیا،الیکشن کمیشن کے سسٹم مینیجر محمد رفیق الحق نے بنگلہ دیشی میڈیا سے گفتگو کرتے ہوئے تصدیق کی کہ یہ اقدام اعلیٰ حکام کی ہدایات پر کیا گیا ہے۔
واضح رہے کہ 12 جولائی کو نیشنل سٹیزن پارٹی (NCP) کے ایک وفد نے چیف الیکشن کمشنر سے ملاقات کر کے مطالبہ کیا تھا کہ عوامی لیگ کی رجسٹریشن معطل ہونے کے بعد ’کشتی‘ کے انتخابی نشان کو بھی فہرست سے نکال دیا جائے۔
وفاقی کابینہ اجلاس، ای او بی آئی پینشن میں 15 فیصد اضافے کی منظوری
حالیہ دنوں میں الیکشن کمیشن کے کمشنر عبد الرحمان مسعود نے یہ بیان دیا تھا کہ نشان کبھی ممنوع نہیں ہوتے، اور کشتی کا نشان عوامی لیگ کو دیا گیا تھا، تاہم یہ نشان الیکشن کمیشن کی ملکیت ہوتا ہے اور اگر پارٹی تحلیل ہو جاتی ہے تو نشان بھی کمیشن کے پاس ہی رہتا ہے-
فی الحال بنگلہ دیش میں 50 رجسٹرڈ سیاسی جماعتیں موجود ہیں اور الیکشن کمیشن نے ان جماعتوں کے لیے 69 انتخابی نشانات مختص کیے ہیں۔ تاہم یہ تعداد 115 تک بڑھانے کی تجویز بھی قانون وزارت کو ارسال کی جا چکی ہےعوامی لیگ کے انتخابی نشان ’کشتی‘ کو ہٹایا جانا بنگلہ دیش کی انتخابی سیاست میں ایک اہم موڑ کی علامت ہے، جو جماعت کے مستقبل پر گہرے سوالات اٹھا رہا ہے۔
پی آئی اے کی برطانوی فضائی حدود میں واپسی پاکستان کی فتح ہے،شہباز شریف
