![imran khan](https://baaghitv.com/wp-content/uploads/2023/02/imranKhan-5.jpg)
لاہور: چیئرمین پاکستان تحریک انصاف عمران خان نے کہا ہے کہ آئین کی پاسداری کیلئے ہر طرح کی آل پارٹیز کانفرنس(اے پی سی) میں بیٹھنے کو تیار ہوں۔
باغی ٹی وی: چیئرمین پی ٹی آئی نے کونسل آف پاکستان نیوز پیپر ایڈیٹرز (سی پی این ای) کے صدر کاظم خان سے ملاقات میں کہا کہ پی ڈی ایم سیاسی اتحاد نہیں چوروں کا گروہ ہےالیکشن مقررہ تاریخ سے آگے گئے تو سمجھیں قانون ختم، الیکشن کی تاریخ مافیا کی سیاسی موت ہے۔
پاکستان بار کونسل کا سپریم کورٹ میں پولرائزیشن پر اپنے شدید تحفظات کا اظہار
انہوں نے کہا کہ میرے قتل کی سازش میں رانا ثنا اللہ کا کلیدی کردار ہے،رانا ثنا اللہ وزیر داخلہ نہیں دہشت گرد مافیا کا رکن ہے، سازش کے باقی دو کرداروں کے نام پہلے ہی بتا چکا ہوں، میرے قتل کی تحقیقات سبوتاژ کرنے میں تینوں کا اہم کردار ہے رانا ثنا اللہ بزدل آدمی ہے قتل کی دھمکیوں اور ارادے کے خلاف قانونی چارہ جوئی کروں گا۔
وزیراعظم کی ضم شدہ فاٹا اضلاع کو ترقیاتی فنڈز فوری جاری کرنے کی ہدایت
چیئرمین پی ٹی آئی عمران خان نے کہا کہ پی ٹی آئی کے امیدوار 30اپریل کے حساب سے مہم جاری رکھیں آئین کی پاسداری کیلئے ہر طرح کی اےپی سی میں بیٹھنے کو تیار ہوں، عدلیہ پر الزام تراشی اور دباؤ میں لانے کی کوششیں ن لیگ کا پرانا وطیرہ ہیں، یہ وہی ہیں جن کے مسلح جتھے سپریم کورٹ پر حملہ آور ہوئے تھے۔