fbpx

عائزہ خان اورعثمان خالد بٹ طویل عرصے بعد ایک بار پھر ساتھ دکھائی دیں گے

پاکستان ٹی وی انڈسٹری کی نامور اداکارہ و ماڈل عائزہ خان اور اداکار عثمان خالد بٹ کے نئے ڈرامے کا ٹیزر جاری کر دیا گیا-

باغی ٹی وی : ’غلطی سے مسٹیک ہوگئی‘ کے بعد عائزہ خان اور عثمان خالد بٹ طویل عرصے بعد ایک بار پھر جوڑی کی صورت میں دکھائی دیں گے۔

مومنہ درید پروڈکشن کی جانب سے تیار کیے گئے ڈرامے کو گزشتہ برس ریلیز کیا جانا تھا مگر کورونا کی وجہ سے ڈرامے کی شوٹنگ نہ ہوپانے کے باعث اسے اب ریلیز کیا جائے گا۔

اگرچہ ڈرامے کو ریلیز کرنے کی واضح تاریخ کا اعلان نہیں کیا گیا، تاہم خبریں ہیں کہ ڈرامے کو یکم رمضان سے ’ہم ٹی وی‘ پر پرائم ٹائم میں نشر کیا جائے گا۔

چپکے چپکے‘ کے جاری کیے گئے ٹیزر سے ڈرامے کی کہانی کو سمجھنا مشکل ہے، تاہم اندازہ ہوتا ہے کہ شائقین کو نہ صرف رومانس بلکہ مزاح اور سسپینس بھی دیکھنے کو ملے گا۔

’چپکے چپکے‘ میں عثمان خالد بٹ اور عائزہ خان کو رومانس کرتے ہوئے دکھایا جائے گا جب کہ ڈرامے میں دیگر جوڑوں کا رومانس بھی دکھایا جائے گا-

ڈرامے کی کاسٹ میں عثمان خالد بٹ، عائزہ خان، میرا سیٹھی، فرحان علی آغا، ایمن سلیم اور علی سفینا سمیت دیگر اداکار شامل ہیں-

’چپکے چپکے‘ کی کہانی مقبول ڈرامے ’سنو چندا‘ کی لکھاری صائمہ اکرم چوہدری نے لکھی ہے جب کہ اس کی ہدایات دانش نواز نے دی ہیں۔

جواب چھوڑیں

آپ کا ای میل ایڈریس شائع نہیں کیا جائے گا.