پشاور: آزاد امیدوار کی انتخابی ریلی پر فائرنگ ،دو افراد زخمی

پشاور کےحلقہ پی کے 82 کے آزاد امیدوار ملک طارق اعوان کی انتخابی ریلی پر فائرنگ کی گئی جس کے نتیجے میں دو افراد زخمی ہوگئے۔

باغی ٹی وی: تھانہ گلبہار پولیس کے مطابق پشاور پی کے 82 سے آزاد امیدوار ملک طارق اعوان کی انتخابی ریلی پر پشاور کے شہری علاقہ انم صنم چوک میں فائرنگ کا واقعہ پیش آیا ہےابتدائی رپورٹ کے مطابق آزاد امیدوار کے مخالف فریق ملک شیر کے ساتھیوں نے فائرنگ کی ہے۔ دو فریقین کے درمیان چپقلش چلتی آ رہی تھی زخمیوں کو لیڈی ریڈنگ اسپتال منتقل کردیا گیا ہے جہاں پر ان کے بیان قلم بند کیے گئے۔

دوسری جانب گھوٹکی میں مسلح افراد نے گولیوں کی بوچھاڑ کر دی جس کے نتیجے میں 5 افراد قتل اور 5 زخمی ہو گئے، افسوسناک واقعہ گھوٹکی کے سرحد تھانہ کی حدود گنگی کے قریب پیش آیا جہاں دو قبائل کے درمیان فائرنگ کے دوران 10 افراد گولیاں لگنے سے لہولہان ہو گئے جن میں سے 5 دم توڑ گئے پولیس کی بھاری نفری متاثرہ علاقے میں پہنچ گئی اور فائرنگ رکوانے کی کوششیں شروع کر دیں۔