سپریم کورٹ: چترال میں اراضی تنازعہ کیس،چیف جسٹس پاکستان قاضی فائز عیسیٰ کی سربراہی میں تین رکنی بینچ نے سماعت کی
دوران سماعت چیف جسٹس قاضی فائز عیسیٰ نے ریمارکس دیتے ہوئے کہا کہ مفروضوں پر کیس نہیں چلا سکتے، چیف جسٹس قاضی فائز عیسیٰ نے وکیل درخواست گزار سے مکالمہ کرتے ہوئے کہا کہ کوئی ثبوت ہیں تو دکھا دیں، دوران سماعت وکیل درخواست گزار کی جانب سے پارٹیشن کے الفاظ پر چیف جسٹس قاضی فائز عیسیٰ کے اہم ریمارکس سامنے آئے ہیں، چیف جسٹس قاضی فائز عیسیٰ نے کہا کہ پارٹیشن کے بجائے آزادی کے بعد کے الفاظ استعمال کریں،پارٹیشن کے الفاظ ہندوستان والے کہہ سکتے ہیں کیونکہ وہ کبھی حکمران نہیں رہے، ہمیں فخر سے آزادی حاصل کرنے کے الفاظ کو استعمال کرنا چاہیے،
سپریم کورٹ نے درخواست مسترد کردی.اس سے قبل درخواست گزار سول کورٹ اور ہائیکورٹ میں بھی جائیداد کی ملکیت ثابت کرنے میں ناکام رہا
