جے ایف 17 لڑاکا طیارے آذربائیجان کے فوجی بیڑے میں شامل

پاکستان اور چین کے اشتراک سے بنائے گئے جے ایف 17 لڑاکا طیارے آذربائیجان کے فوجی بیڑے میں شامل کرلیے گئے

آذربائیجان کے صدر الہام علیوف نے باکو میں حیدر علیوف ایئرپورٹ پر پاکستانی فوجی حکام کے ہمراہ جے ایف سیونٹین سی لڑاکا طیارے کی مہارت کا مشاہدہ کیا،جےایف 17سی طیارے پاکستان ایروناٹیکل کمپلیکس اور چینگڈو ایئرکرافٹ کارپوریشن کے اشتراک سے بنائے گئے ہیں.

JF-17C (بلاک III) جیٹ طیارے ہلکے وزن والے، ملٹی رول والے طیارے ہیں جو دن ہو یا رات تمام موسمی حالات میں آپریشن کے لیے ڈیزائن کیے گئے ہیں۔بریفنگ کے دوران، صدر الہام علیوف کو طیارے کی تکنیکی خصوصیات اور آپریشنل صلاحیتوں کے بارے میں بتایا گیا، جو ہوا سے ہوا اور زمین سے زمین پر مضبوط جنگی صلاحیتوں اور درمیانی اور کم اونچائی پر اعلیٰ صلاحیت کا حامل ہے۔

اس موقع پر آذر بائیجان کے وزیر دفاع حسنوف کا کہنا تھا کہ ان جدید جیٹ طیاروں کا اضافہ آذربائیجان کی فضائیہ کی صلاحیتوں میں نمایاں اضافہ کی نشاندہی کرتا ہے۔ "ہماری فوج میں JF-17C کے انضمام کے ساتھ، آذربائیجان کی دفاعی اور جارحانہ صلاحیتوں میں اضافہ ہو گا،” ۔

JF-17C طیاروں کا حصول پاکستان اور چین کے ساتھ آذربائیجان کے دفاعی تعاون میں ایک اور سنگ میل ہے۔آذربائیجان کی فوجی جدیدیت اور اس کے ہتھیاروں کی توسیع صدر الہام علیوف کی قیادت میں اہم ترجیحات ہیں۔آذربائیجان اپنی مسلح افواج کی جنگی تیاریوں اور تکنیکی صلاحیتوں کو بہتر بنانے پر توجہ مرکوز کرتے ہوئے، فوجی ترقی کے ایک نئے مرحلے میں داخل ہو گیا ہے۔

پاکستان کے ساتھ آذربائیجان کے اسٹریٹجک تعلقات
آذربائیجان اور پاکستان کے درمیان برسوں سے مضبوط سفارتی اور دفاعی تعلقات رہے ہیں، دونوں ممالک بین الاقوامی پلیٹ فارمز پر باہمی تعاون کی پیشکش کرتے ہیں۔ جولائی 2023 میں آذربائیجان کے صدر الہام علیوف کے پاکستان کے سرکاری دورے نے اس شراکت داری کو مزید مستحکم کیا، جس سے فوجی تعاون میں اضافے کی راہ ہموار ہوئی۔