لاہور: وزیر اطلاعات پنجاب عظمیٰ بخاری کی معروف گلوکارہ نصیبو لال کے گھر پہنچیں، انہوں نے گلوکارہ کی خیریت بھی دریافت کی۔
باغی ٹی وی : عظمیٰ بخاری نے وزیر اعلیٰ پنجاب کی طرف سے نصیبو لال کو گلدستہ دیا اور گلوکارہ کو ہر طرح کے تعاون کی یقین دہانی کروائی، نصیبو لال نے وزیراعلیٰ پنجاب مریم نواز اور عظمیٰ بخاری کا شکریہ ادا کیا۔
نصیبو لال نے مریم نواز کے فنکاروں کے لیے فلاحی کاموں پر خراج تحسین پیش کیا اور کہا کہ نواز شریف نے ہمیشہ فنکاروں کی حوصلہ افزائی کی،گلوکارہ نے کہا کہ مریم نواز والد کے نقشِ قدم پر چل رہی ہیں، اللہ تعالیٰ ان کی مدد فرمائے۔
پارلیمنٹ کی راہداری میں بیرسٹر گوہر اور خواجہ آصف کی خوشگوار ملاقات
واضح رہے کہ گلوکارہ نصیبو لال نے شوہر کی جانب سے مبینہ تشدد کیے جانے پر اس کے خلاف تھانہ شاہدرہ میں مقدمہ درج کروایا تھا،نصیبو لال نے پولیس کو بتایا تھا کہ وہ گڑوی کالونی کالا خطائی روڈ امامیہ کالونی کی رہائشی ہیں، 14مارچ کو وہ گھر کے صحن میں بیٹھی تھیں کہ شوہر نوید حسین نے گالیاں دینا شروع کر دیں، اور چہرے پر اینٹ مار دی، جس سےچہرے کے بائیں حصے اور ناک پر شدید چوٹ آئی،شوہر نے جان سے مارنے کی دھمکیاں بھی دیں، شوہر اکثر لڑائی جھگڑا کرتا رہتا ہے۔
غرہ پر اسرائیلی مظالم،مرکزی مسلم لیگ کا جمعہ کوملک گیر یوم احتجاج کا اعلان
