پنجاب حکومت نے بابا گرونانک کے 550 ویں جنم دن پرسکھ کنونشن منعقد کرانے کا فیصلہ کیا ہے
باغی ٹی وی کی رپورٹ کے مطابق سکھ کنونشن میں دنیا بھر سے سکھ برادری شرکت کرے گی،اس حوالہ سے وزیر اعلیٰ پنجاب عثمان بزدار نے بہترین انتظامات کی ہدایت کی ہے، وزیراعلیٰ پنجاب عثمان بزدار کا کہنا ہے کہ سکھ زائرین کوکنونشن میں شرکت کیلیےممکنہ سہولتیں فراہم کی جائیں گی.
وزیراعلیٰ پنجاب کا مزید کہنا ہے کہ ننکانہ صاحب میں سڑکوں کی تعمیر ومرمت پر 15کروڑ روپے خرچ کیےہیں ،ننکانہ صاحب میں باباگرونانک یونیورسٹی کا سنگ بنیادمذہبی رواداری کا ثبو ت ہے .
حکومت پنجاب نے ننکانہ صاحب میں سیاحوں کے لئے ٹی ڈی سی پی موٹل 13 کروڑ روپے کی لاگت سے مکمل کر لیا ہے جو مذہبی سیاحتی فروغ کا باعث ہوگا۔ موٹل میں سیاحوں کیلئے جدید ترین سہولتوں سے آراستہ 14 گیسٹ روم، 4 سوئیٹ، ریسٹورنٹ، کانفرنس ہال اور دیگر سہولیات فراہم کی گئی ہیں
حکومت پنجاب مذہبی رواداری کی پالیسی کے تحت سکھ برادری کو ان کے مذہبی مقامات پر بہترین سہولتیں فراہم کر رہی ہے۔ وزیر اوقاف نے کہا کہ ننکانہ صاحب میں اپنی نوعیت کی پہلی بابا گورو نانک یونیورسٹی کا سنگ بنیاد رکھ دیا گیا ہے۔ننکانہ صاحب میں بابا گورو نانک یونیورسٹی 10 ایکڑ زمین پر تقریباً6 ارب روپے کی لاگت سے مکمل کی جائے گی۔
ننکانہ صاحب میں سڑکوں کی تعمیر و مرمت کا میگاپراجیکٹ 15 کروڑ روپے کی لاگت سے مکمل کیا جائے گا۔پیر احمد شاہ روڈ کو دو رویہ بنایا جائے گا، گوردوارہ تنبو صاحب تا گوردوارہ جنم استھان براستہ ڈوھولار چوک کی تعمیر و مرمت کی جائے گی۔لاری اڈہ روڈ کی بھی تعمیر و توسیع کی جائے گی۔گورونانک یونیورسٹی تا ننکانہ واربرٹن روڈ رابطہ سڑک تعمیر کی جائے گی۔
گرو نانک دیو کی پیدائش شہر ننکانہ صاحب پنجاب میں 15 اپریل، 1469ء کو ہوئی تھی ،
