گوجرخان باغی ٹی وی( نامہ نگار شیخ ساجد قیوم ) خطہ پوٹھوار کی عظیم روحانی درگاہ کلیام شریف میں حضرت خواجہ فضل الدین چشتی صابری کلیامی رح کا 10روزہ 131واں عرس مبارک اتوار کے روز پورے تزک واحتشام کے ساتھ شروع ہو گیا ،عرس کا اختتام 9جنوری 2024کو ہوگا
عرس کے آغاز کے موقع پر ملک بھر اور بیرون ملک سے ہزاروں مریدین و عقیدت مندوں کی بھر پور شرکت، سجادہ نشین دربار عالیہ کلیام شریف حضرت پیر محمد شعبان فرید نے عرس کی رسومات کی ادائیگی کے بعد خصوصی دعا کرائی ،خادم خاص دربار شریف بانی وچیئرمین تحریک صوبہ پوٹھوار ملک امریز حیدر نے بتایا کہ عرس کے موقع پر زائرین کے قیام وطعام کے لیے وسیع پیمانے پر انتظامات کئیے گئے ہیں جبکہ دس روزہ عرس کے دوران محافل سماع کا بھی خصوصی اہتمام ہوگا
ملک کے نامور قوال نذرانہ عقیدت پیش کریں گے جبکہ عرس مبارک کے موقع پر کلیام شریف میں میلے کا سماں ہے اس عرس کے دوران ملک کے دوردرازعلاقوں سے سینکڑوں کی تعداد میں اونٹ بھی لائے جاتے ہیں سجادہ نشین دربار عالیہ کلیام شریف حضرت پیر شعبان فرید نے ملکی سلامتی مظلوم فلسطینیوں کے لئے خصوصی دعا کرائی
