لاہور:قومی ٹیم کے کپتان بابر اعظم کو چئیرمین پی سی بی مینجمنٹ کمیٹی نے فیصلے کرنے کے مکمل اختیارات دے دئیے۔اطلاعات کے مطابق چئیرمین پی سی بی مینجمنٹ کمیٹی نجم سیٹھی نے بابر اعظم کو پیغام بھجوایا جس میں کہا گیا کہ آپ جس کھلاڑی کو چاہتے ہیں پلئینگ الیون میں شامل کریں آپکو مکمل اختیار ہے، جس کھلاڑی کو چاہتے ہیں کہ وہ پلئینگ الیون میں شامل نہیں ہوسکتا اسکو ڈراپ کرنے کا اختیار بھی آپکے پاس ہے۔
پہلا ون ڈے، 256رنز کے ہدف میں پاکستان کی بیٹنگ جاری
نجم سیٹھی نے پیغام میں کہا کہ آپ جو فیصلہ کرینگے ہم سب اسکو من و عن قبول کرینگے ، آپ کے فیصلوں میں کوئی بھی عمل دخل نہیں کرے گا۔چئیرمین مینجمنٹ کمیٹی پی سی بی نے بابر اعظم کی تعریف کرتے ہوئے کہا کہ آپ دنیا کے بہترین کھلاڑی ہیں ہماری خوش قسمتی ہے آپ ہمارے کپتان ہیں۔
گزشتہ دنوں بابر اعظم نے سکواڈ اور شان مسعود کو نائب کپتان بنانے سے متعلق لاعلمی اور ناراضگی کاا اظہار کیا تھا۔
دوسری طرف پاکستان کرکٹ ٹیم کا نیا کوچ کون ہوگا؟ پی سی بی نے 3 ناموں پر غور شروع کردیا، مکی آرتھر کے انکار کے بعد آسٹریلیا کے جسٹسن لینگر مضبوط امیدوار بن گئے۔مکی آرتھر کی جانب سے پاکستان کرکٹ ٹیم کا ہیڈ کوچ بننے کی آفر رد کئے جانے کے بعد یہ باب بند ہوگیا۔
پاکستانی ویمن فٹبال ٹیم چارملکی ٹورنامنٹ میں حصہ لینےکیلئے آج سعودی عرب روانہ
پاکستان کرکٹ بورڈ کی جانب سے جن نئے ناموں پر غور کیا جارہا ہے ان میں آسٹریلیا کے جسٹن لینگر ہیڈ کوچ کیلئے مضبوط امیدوار ہیں، ٹوبی ریڈ فورڈ کو ہائی پرفارمنس سینٹر کیلئے آفر کی گئی ہے جبکہ ای این پونٹ کا نام متبادل کے طور پر زیر غور ہے۔
پاکستان نے نیوزی لینڈ کو پہلے ایک روزہ میچ میں 6 وکٹوں سے شکست دے دی
رپورٹ کے مطابق تینوں کوچز سے پاکستان کرکٹ بورڈ کی بات چیت جاری ہے، پی سی بی جلد قومی ٹیم کے نام کا اعلان کرے گا، کوچ کا نام فائنل ہونے کے بعد سپورٹنگ اسٹاف کا بھی اعلان کیا جائے گا۔