باچا خان انٹرنیشنل ائیر پورٹ پر کورونا متاثرین کے لیے اقدامات کی قلعی کھل گئی

باغی ٹی وی کی رپورٹ کے مطابق پشاور باچا خان انٹرنیشنل ائیر پورٹ پر کورونا متاثرین کے لے ناکافی اقدامات سامنے آئے ہیں

انچارج اسسٹنٹ ائیر پورٹ ہیلتھ آفیسر نے چیف سیکریٹری کو خط لکھ دیا،خط میں کہا گیا کہ ائیر پورٹ پر رش کےباعث کورونا ٹیسٹ میں مشکلات کا سامنا ہے،باچا خان ائیر پورٹ میں 4 ڈاکٹرز اور 10 پیرامیڈیکل اسٹاف کی ضرورت ہے، ڈیوٹی پرطبی عملہ کےلوگ پک اینڈ ڈراپ سہولت نہ ہونے کے باعث تاخیر سے پہنچتےہیں،

خط میں مزید کہا گیا کہ ائیر پورٹ سے کورونا مریضوں کو اسپتال لے جانے کے کوئی ایمولینس کی سروس نہیں،باچا خان ایئرپورٹ پر آمدورفت زیادہ ہے اسلئے ایمبولینس کا انتظام بھی کیا جائے، اور طبی عملے کو وقت کی پابندی کا پابند کیا جائے، انہیں ٹرانسپورٹ کی سہولت دی جائے

واضح رہے کہ پاکستان میں کرونا کی دوسری لہر جاری ہے، مریضوں اور اموات میں مسلسل اضافہ ہو رہا ہے این سی او سی کے مطابق پاکسستان میں گزشتہ 24 گھنٹوں کے دوران 63 مزید اموات ہوئی ہیں جبکہ 1776 نئے مریض‌ سامنے آئے ہیں

این سی او سی کے مطابق پاکستان میں کرونا سے اموات کی کل تعداد 9 ہزار 992 ہوگئی ہے جبکہ مریضوں کی مجموعی تعداد4لاکھ 75 ہزار 85 ہوگئی ہے۔