لاہور: چوہنگ میں 14 سالہ بچی کے ساتھ زیادتی کا افسوسناک واقعہ، کریانہ سٹور کا مالک گرفتار کر لیا گیا
وزیراعلیٰ پنجاب مریم نواز شریف کی ہدایت پر حنا پرویز بٹ نے متاثرہ بچی کے گھر کا دورہ کیا،،گھر والوں نے دباؤ میں آ کر ابتدا میں واقعے کو زیادتی کی کوشش قرار دیا،حنا پرویز بٹ کی متاثرہ سے ذاتی ملاقات کے دوران حقیقت سامنے آ گئی،متاثرہ نے بتایا کہ اس کے ساتھ دوکاندار نے زیادتی کا ارتکاب کیا۔حنا پرویز بٹ نے پولیس کو ایف آئی آر میں دفعہ 376 شامل کرنے کی ہدایت کی،ایس پی چوہنگ اور انویسٹی گیشن افسر کو مکمل تفتیش اور ڈی این اے ٹیسٹ کی ہدایت کی،پولیس نے بروقت کارروائی کرتے ہوئے ملزم کو گرفتار کر لیا
حنا پرویز بٹ کا کہنا تھا کہ کم عمر بچیوں کے ساتھ زیادتی ناقابلِ معافی جرم ہے۔ایسے درندہ صفت افراد کو عبرت کا نشان بنایا جائے گا۔ خواتین کے خلاف جرائم پر زیرو ٹالرنس پالیسی اپنائی جائے گی۔ خواتین کے لیے محفوظ پنجاب ہمارا مشن ہے۔
