راولپنڈی میں گھر کے باہر کھیلتے ہوئے لاپتہ ہونے والی سات سالہ بچی پُراسرار طور پر جاں بحق،سی پی او سید خالد ہمدانی کا واقعے پر نوٹس، ایس پی گوجر خان سے رپورٹ طلب کرلی
راولپنڈی میں گھر کے باہر سے کھیلتے ہوئے لاپتہ ہونے والی بچی کی پُراسرار ہلاکت ہوئی ہے،تھانہ مندرہ کے علاقے پانچ مرلہ اسکیم میں سات سالہ بچی پراسرار طور پر قتل ہوئی جس کی شناخت 7 سالہ شفق کے نام سے ہوئی،اہل خانہ کے مطابق بچی گھر کے باہر کھیل رہی تھی جس کی لاش گھر کے قریب زیر تعمیر مکان سے ملی ہے۔ بچی کی لاش ملنے کی اطلاع پر پولیس موقع پر پہنچی۔
تھانہ مندرہ کے علاقہ سے 7 سالہ بچی کی نعش ملنے کے واقعہ پر سی پی او سید خالد ہمدانی نےنوٹس لے لیا،اے ایس پی گوجرخان سے رپورٹ طلب، واقعہ کی فوری تحقیقات اور ملزم/ملزمان کی گرفتاری کا حکم دے دیا،اے ایس پی گوجرخان پولیس نفری کے ہمراہ موقع پر موجود ہیں، جائے وقوعہ سے شواہد حاصل کئے جا رہے ہیں، بچی سہ پہر سے لاپتہ تھی، پولیس کو بچی کے لاپتہ ہونے کی اطلاع رات 9/15 پر دی گئی،پولیس نے فوری طور پر فیملی کے ساتھ مل کر بچی کی تلاش شروع کی، بچی کی نعش ایک زیر تعمیر گھر سے ملی ہے جسے پوسٹ مارٹم کے لئے ہسپتال منتقل کیا گیا ہے، پوسٹ مارٹم رپورٹ کی روشنی میں وجہ موت کا حتمی تعین کیا جا سکے گا، واقعہ کی تمام زاویوں پر تحقیقات کی جا رہی ہیں، واقعہ کے حقائق کو سامنے لایا جائے گا،
