بچوں سے زیادتی، ڈاکٹر شیریں مزاری بھی میدان میں آ گئیں، بڑا اعلان کر دیا

وفاقی وزیر انسانی حقوق ڈاکٹر شیریں مزاری نے کہا کہ انسانی حقوق کے مضمون کو نصاب میں شامل کیا جارہا ہے،اساتذہ اور والدین بچوں کی تعلیم کے ساتھ تربیت پر بھی خصوصی توجہ دیں، وزارت نے بچوں سے جنسی تشدد کی روک تھام کے حوالے سے آگاہی مہم کا آغاز کردیا ہے۔

اسلام آباد ۔ 2 اکتوبر (اے پی پی) وفاقی وزیر انسانی حقوق ڈاکٹر شیریں مزاری نے کہا کہ انسانی حقوق کے مضمون کو نصاب میں شامل کیا جارہا ہے،اساتذہ اور والدین بچوں کی تعلیم کے ساتھ تربیت پر بھی خصوصی توجہ دیں، وزارت نے بچوں سے جنسی تشدد کی روک تھام کے حوالے سے آگاہی مہم کا آغاز کردیا ہے۔

بدھ کو الفارابی اسلامک کالج نیلور میں تقریب سے خطاب کرتے ہوئے انہوں نے کہا کہ ہماری وزارت نے بچوں سے بدسلوکی اور جنسی زیادتی کی روک تھام کے لئے آگاہی مہم کا آغاز کیا ہے، ابتدائی طور پر وفاقی دارلحکومت کے تعلیمی اداروں میں آگاہی پروگرام منعقد کئے جارہے ہیں۔ انہوں نے کہا کہ بچوں کے ساتھ ہونے والی جنسی بد سلوکی یا کسی بھی قسم کی شکایت کے لئے وزارت کی ہیلپ لائن 1099پر رابطہ کریں تاکہ فوری طور پر ایکشن لیا جاسکے۔

لترپروگرام ہرصورت ختم ہونا چاہیے،رحمان ملک کی آئی جی پنجاب سے درخواست

بچوں کے اغوا اور زیادتی کے واقعات کو ختم کرنا ہوگا، قائمہ کمیٹی برائے داخلہ

انہوں نے کہا کہ بچوں کے ساتھ ہونے والی زیادتیوں کی روک تھام کے لیے معاشرے کے ہرفرد کو اپنا کردار ادا کرنا ہوگا اور ارد گرد کے ماحول پر نظر رکھنی ہوگی کیونکہ درندہ صفت عناصر اپنی خواشات کی تکمیل کیلئے ہر گلی، محلے اور شہر میں موقع کی تلاش میں ہوتے ہیں۔ انہوں نے کہا کہ بچوں کی تعلیم و تربیت میں والدین اور اساتذہ کا اہم کردار ہے انہیں اپنے بچوں پر کڑی نظر رکھنی چاہیئے اور بلاوجہ گھر سے باہر نا جانے دیں۔ انہوں کہا کہ اب وقت آچکا ہے کہ بچوں کو جنسی زیادتی اور بدسلوکی کے بارے مکمل معلومات ہونی چاہیں اور والدین کھل کر اس حوالے سے اپنے بچوں سے بات چیت کریں تاکہ وہ اپنا تحفظ کرسکیں۔

ڈاکٹر شیریں مزاری نے کہا کہ انسانی حقوق کو نصاب میں انسانی حقوق بالخصوص بچوں کے حقوق کو شامل کیا جارہا ہے، وزیر اعظم عمران خان نے بچوں پر جسمانی تشددپر پابندی لگادی ہے اب بچوں پر ہاتھ اٹھا کو سزا نہیں دی جاسکتی۔ اس موقع پر رکن قومی اسمبلی راجہ خرم نواز نے کہا کہ بچوں کو استحصال سے محفوظ رکھنے کے لئے آگاہی مہم کے دائرہ کار کو یونین کونسل کی سطح تک پھیلایا جائے اور بچوں کے حقوق کے حوالے سے والدین اور اساتذہ کی تربیت انتہائی ضروری ہے۔

تقریب سے الفاربی اسلامک کالج کے پیٹرن ان چیف افتخار علی جنجوعہ نے بھی خطاب کیا۔ قبل ازیں تقریب میں طالبعلوں نے بچوںکے حقوق کے موضوع پر تقاریر بھی کیں اس کے علاوہ وزارت انسانی حقوق کی طرف سے جنسی زیادتی کی روک تھام اور آگاہی کے حوالے ڈاکومنٹریز بھی پیش کی گئیں۔

کمسن بچے سے زیادتی و قتل کا ایک اور واقعہ، وزیراعلیٰ کا نوٹس