مولانا سید محمد عبدالخبیر آزاد خطیب وامام بادشاہی مسجد لاہور چیئرمین مرکزی رؤیت ہلال کمیٹی پاکستان چیئرمین مجلس علماء پاکستان نے بادشاہی مسجد لاہور میں پریس کانفرنس سے خطاب کرتے ہوئے کہا کہ اہلیان لاہور اور ہم سب کے لیے بڑے اعزاز اور فخرکی بات ہے کہ بادشاہی مسجد لاہور میں عالم اسلام کی عظیم شخصیت اور دنیا میں امن کے سفیر خطیب وامام حج فضیلتہ الشیخ ڈاکٹر محمد بن عبدالکریم عیسٰی حفظہ اللہ سیکرٹری جنرل رابطہ عالم اسلامی خطبہ جمعتہ المبارک ارشاد فرمائیں گے،عوام الناس سے اپیل ہے کہ 14اکتوبر 2022ء بروز جمعتہ المبارک بادشاہی مسجد لاہور میں اس عظیم اجتماع میں بھرپور شرکت فرمائیں اور خطیب و امام حج کا خطبہ سماعت فرمائیں،اور ان کے پیچھے جمعتہ المبارک کی نماز ادا کریں،خطیب وامام حج فضیلتہ الشیخ ڈاکٹر محمد بن عبدالکریم عیسٰی حفظہ اللہ سیکرٹری جنرل رابطہ عالم اسلامی کو لاہور آمد پر ہم دل کی اتھا ہ گہرائیوں سے خوش آمدید کہتے ہیں،سعودی عرب پاکستان کا ایک عظیم دوست ہے جس نے ہر مشکل وقت میں پاکستان کا ساتھ دیا،فضیلتہ الشیخ ڈاکٹر محمد بن عبدالکریم عیسیٰ کے دورہ سے پاکستا ن اور سعودی عرب کے تعلقات مزید مستحکم و مضبوط ہوں گے،آخرمیں عالم اسلام کے اتحاد،حرمین شریفین کے تحفظ،پاکستان کے استحکام اور ترقی و خوشحالی کیلئے خصوصی دعاء کی گئی۔
قبل ازیں وزیراعلیٰ پنجاب چودھری پرویز الٰہی سے سیکرٹری جنرل مسلم ورلڈ لیگ شیخ محمد بن عبدالکریم العیسیٰ کی سربراہی میں وفدکی ملاقات ہوئی ہے ، چودھری پرویزالٰہی نے مسلم ورلڈ لیگ کے وفدکا وزیراعلیٰ آفس آمد پرپر تپاک خیر مقدم کیا سعودی عرب کے سفیر نواف بن سعیداحمد المالکی، عبدالرحمان خلیل الخدیدی، عبدالوہاب محمد عبدالعزیز الشہری، خالد مفرح الوتیابی،محمد سعید الغامدی،سعید الحارثی اوردیگر شخصیات وفد میں شامل تھیں .سیکرٹری جنرل مسلم ورلڈ لیگ شیخ محمد بن عبدالکریم العیسیٰ نے وزیراعلیٰ چودھری پرویز الٰہی کی دین کے حوالے سے خدمات کو سراہا اور کہا کہ آپ نے دین اسلام کے حوالے سے گراں قدر کام کیا ہے۔اللہ تعالیٰ آپ کو اس نیک کام کا صلہ دے گا۔ آپ کی سربراہی میں پنجاب حکومت کے دین کے حوالے سے مبارک اقدامات قابل تعریف ہیں۔ دینی خدمات کے حوالے سے آپ کی خصوصی دلچسپی کو قدر کی نگاہ سے دیکھتے ہیں آپ جو کار خیر کررہے ہیں اس کی توفیق اللہ تعالیٰ نے آپ کو دی ہے ہمارا پورا تعاون آپ کے ساتھ ہے اور رہے گا آپ نے نکاح نامے میں ختم نبوتؐ کے حلف کیلئے قانون سازی کر کے تاریخی اقدام کیاہے۔شیخ محمد بن عبدالکریم العیسیٰ اور وفد کے دیگر ارکان نے پنجاب میں شاندار استقبال اور مہمان نوازی پر وزیراعلیٰ چودھری پرویز الٰہی کا شکریہ ادا کیا
وزیراعلیٰ پنجاب چودھری پرویز الٰہی سے سیکرٹری جنرل مسلم ورلڈ لیگ شیخ محمد بن عبدالکریم العیسیٰ کی سربراہی میں وفدکی ملاقات pic.twitter.com/m030J2TLV1
— Baaghi TV باغی ٹی وی (@BaaghiTV) October 12, 2022
وزیراعلیٰ چودھری پرویز ا لٰہی نے دین کے حوالے سے پنجاب میں کی گئی قانون سازی اور اقدامات کے بارے میں آگاہ کیا اور کہا کہ مسلم ورلڈ لیگ کی مسلم امہ کیلئے خدمات قابل قدر ہیں۔ پاکستان اور سعودی عرب کے تعلقات مثالی حیثیت رکھتے ہیں۔ ہر پاکستانی سعودی عرب کو اپنادوسرا گھر سمجھتاہے اورہمارے دل ایک ساتھ دھڑکتے ہیں۔ سعودی عرب آزمائش کی ہر گھڑی میں پاکستان کے ساتھ کھڑا رہاہے۔ حالیہ سیلاب کے دوران بھی سعودی حکومت اور سعودی بھائیوں کی طرف سے امداد کو ہر پاکستانی قدر کی نگاہ سے دیکھتا ہے۔ ہم حکومت پنجاب اورعوام کی طرف سے اہل سعودی عرب کے شکر گزار ہیں۔ اللہ کریم نے مجھے قرآن بورڈ اور سیرت اکیڈمی قائم کرنے کی توفیق عطا فرمائی خاتم النبینؐ سے متعلق شق نکاح نامے میں شامل کی۔ نکاح کے وقت اب ختم نبوتؐ کا حلف دینا لازمی ہے۔ پنجاب کے تمام سرکاری دفاتر میں قرآنی آیات کے فریم آویزاں کئے گئے ہیں علماء بورڈ میں تمام مکاتب فکر کے علمائے کرام کو شامل کیا ہے۔ صوبے میں مذہبی منافرت پر مبنی مواد اور کتب کی اشاعت او رفروخت پر پابندی عائد کی ہے۔تمام متنازعہ لٹریچر کو ضبط کر لیاگیا ہے۔ سکول کے طلبہ کے لئے ناظرہ قرآن مجید اور ترجمہ لازمی قرار دینے کی سعادت بھی عطا فرمائی مسلم ورلڈ لیگ بین المذاہب ہم آہنگی کے فروغ کیلئے شاندار کاوشیں سرانجام دے رہی ہی دین کی خدمت کاسلسلہ جاری وساری رکھیں گے۔
سپیکر پنجاب اسمبلی محمد سبطین خان،صوبائی وزیر میاں محمود الرشید،راسخ ا لٰہی،ایم پی اے حافظ عمار یاسر، چیئرمین پنجاب قرآن بورڈوجنرل سیکرٹری وفاق المدارس مولانا محمد حنیف جالندھری، جامعہ اشرفیہ کے مفتی احمد علی،چیئرمین رویت ہلال کمیٹی پاکستان مولانا عبدالخبیر آزاد،ایڈیشنل چیف سیکرٹری،سابق پرنسپل سیکرٹری وزیراعلیٰ جی ایم سکندر،سابق صدر بینک آف پنجاب ہمیش خان، سیکرٹریز اوقاف،اطلاعات او ر اعلیٰ حکام بھی اس موقع پرموجود تھے
