بہاولپور چڑیا گھر میں 20 سالہ بنگال ٹائیگر بیمار پڑ گیا ہے-
باغی ٹی وی:بنگال ٹائیگر کو 2010 میں لاہور سے بہاولپور چڑیا گھر منتقل کیا گیا تھا، اس کی صحت بگڑتی ہوئی بتائی جارہی ہے، اس کی ایک آنکھ خراب ہے اور اس کے ساتھ صحت کے مسائل بھی دکھائی دے رہے ہیں۔
ڈبلیو ڈبلیو ایف پاکستان کے ڈائریکٹر حماد نقی نے شیر کی حالت پر تشویش کا اظہار کرتے ہوئے حکام پر زور دیا کہ وہ چڑیا گھروں کی عالمی تنظیم کی جانب سے مقرر کردہ رہنما ضابطے کے مطابق فوری کارروائی کریں،بیمار اور بوڑھے جانوروں کو عوامی نمائش پر نہیں رکھا جانا چاہیے اور چڑیا گھروں میں جانوروں کی فلاح و بہبود کے لیے فوری توجہ کی ضرورت ہے۔
پاکستان فضائیہ کا تربیتی جہاز گر کر تباہ،پائلٹ شہید
دوسری جانب بہاولپور کے اسسٹنٹ ڈائریکٹر وائلڈ لائف سید علی عثمان نے واضح کیا کہ لاہور سے منتقل کیے گئے شیر کو عمر کی وجہ سے مشکلات کا سامنا تھا جنگل میں بنگال ٹائیگرز عام طور پر 10 سے 15 سال تک زندہ رہتے ہیں، جب کہ قید میں وہ 20 سال تک زندہ رہ سکتے ہیں بڑھاپے کی وجہ سے، شیر کو چلنے میں دشواری ہوتی ہے، اور اس کی پچھلی ٹانگیں کمزور ہوتی ہیں اور نچلے جسم کے جھکتے ہیں۔
سرکاری گاڑیاں واپس نہ کرنیوالوں کیخلاف مقدمات درج کروانے کا فیصلہ
سید علی عثمان نے مزید بتایا کہ شیر کو باقاعدگی سے کیڑا مارا جاتا ہے اور اس کا معائنہ کیا جاتا ہے اسے اپنی خوراک کے حصے کے طور پر قیمہ بنایا ہوا گوشت اور وٹامن فراہم کیے جا رہے ہیں شیر کو روزانہ باہر سورج کی روشنی اور تازہ ہوا میں لے جایا جاتا ہے تاکہ اس کی صحت بر قر ار رہے، شیر کی دیکھ بھال کے لیے خصوصی انتظامات کیے گئے ہیں اور بہاولپور چڑیا گھر میں اس کی صحت پر کڑی نظر رکھی جا رہی ہے۔
کیپ ٹاؤن ٹیسٹ:پاکستان کرکٹ ٹیم کو سلو اوور ریٹ پر جرمانہ
