لاہور میں اپنی بہو سے شادی کے لیے چھ سالہ پوتے کو اغوا کرکے قتل کرنے والے دادا کو پولیس نے گرفتار کرلیا۔
باغی ٹی وی: پولیس کے مطابق ملزم اپنی بہو کو پسند کرتا تھا اور اس سے شادی کرنا چاہتا تھا ملزم نے اپنے پوتے کو اغوا کر کے اپنے بیٹے کو بلیک میل کیا کہ وہ اپنی بیوی کو طلاق دے اور بات نہ ماننے کی صورت میں ملزم پوتے کو قتل کرنے کی دھمکیاں دیتا رہا۔
گوجرخان :بڑے بھائی نے فائرنگ کرکے چھوٹے بھائی کو قتل کر دیا
ملزم کےبیٹے اور مقتول بچے کے باپ نے ایف آئی آر میں کہا کہ میں سپئیر پارٹس کا کام کرتا ہوں کہ میں اپنے 6 سالہ بیٹے غلام مصطفےٰ کو لے کر ماڈل بازار گیا جہاں سے میرا بیٹا غائب ہو گیا جس کو میں نے اپنے طور پر تلاش کرنا شرو کیا تو میرے والد نے بتایا کہ آپ کے بیٹے کو اغوا کر لیا ہے اور نامعلوم جگہ پر لے گیا ہوں اگر آپ اپنی بیوی مہناز کو چھوڑدو اور وہ میرے ساتھ نکاح کر لے تو میں آپ کے بیٹے کو گھر لے آؤں گا اگر ایسا نہ کیا تو میں آپ کے بیٹے کو قتل کر دوں گا-
8 ملک گیر کاروائیوں کے دوران بھاری مقدارمیں منشیات برآمد، 7 ملزمان گرفتار
ایف آئی آر کے مطابق ملزم نے بات نہ ماننے پر اپنے پوتے کو قتل کر کے لاش چائنا اسکیم گندے نالے کے قریب پھینک دی اور فرار ہوگیا جسے پولیس نے تفتیش کے بعد گرفتار کرلیا۔
